Time in Rangoon 
ကျပ်သိန်း ၁၇၀ တန်ဘိုးရှိသည့် ရွှေတုံးများနှင့် ငွေများခိုးယူခံရသည်ဟုဆိုကာ တိုင်တန်းမှုတစ်ခုကို လှိုင်မြို့ နယ် ရဲစခန်းက သြဂုတ် ၂၇ ရက်တွင် အမှုဖွင့်ထားကြောင်း ရန်ကုန်တိုင်းရဲတပ်ဖွဲ့မှူးရုံးက သတင်း ထုတ်ပြန်သည်။
တိုင်တန်းသူသည် လှိုင်မြို့နယ်၊ ၉ ရပ်ကွက်တွင် နေထိုင်သည့် စိန်အရောင်းအ၀ယ်ပြုလုပ်သော ဦးကျော်စိန် ဆိုသူဖြစ်ပြီး ၎င်းသည် သြဂုတ် ၂၇ ရက် နံနက် ၁၀ နာရီခန့်က နေအိမ် တိုက်ခန်း ကို သော့ပိတ်၍ သမီးဖြစ်သူကို ဗိုလ်ချုပ်ဈေးရှိ သူတို့၏ စိန်ဆိုင်သို့ လိုက်ပို့ပေးခဲ့သည်ဟု မှုခင်းမှတ်တမ်းတွင် ဖော်ပြထားသည်။
ထို့နောက် မွန်းတည့် ၁၂ နာရီခန့်တွင် နေအိမ်သို့ ပြန်ရောက်သောအခါ နေအိမ်တံခါးသော့ မရှိတော့ သည်ကို တွေ့ရှိရသဖြင့် အိမ်ခန်းအတွင်း စစ်ဆေးကြည့်ရာတွင်လည်း ပစ္စည်း များ ပြန့်ကျဲနေခဲ့သည်ဟု တရား လို၏ ထွက်ဆိုချက်ကို ရဲမှတ်တမ်းတွင် တွေ့ရသည်။
ထို့ပြင် အကယ်ဒမီ အခေါက်ရွှေတုံးလေးတုံး၊ ကျပ် ၁၅ သိန်းတန်ဖိုးရှိ တစ်ထောင်တန် ငွေစက္ကူများ၊ စင်္ကာပူဒေါ်လာ ၅၀ တန် ၂၀ ရွက်၊ ရွှေနားကပ်သုံးရံတို့ ထည့်ထားသော အိပ်ခန်းအတွင်းမှ မီးခံသေတ္တာမှာလည်း ပျောက်ဆုံးသွား ခဲ့ကြောင်း တရားလိုက ရဲကိုတိုင်တန်းထားသည်။
ပျောက်ဆုံးသွားသည့် ရွှေတုံးများ၏ တန်ဖိုးမှာ ကျပ်သိန်း ၁၇၀ ခန့်တန်ပြီး ထိုရွှေများ အပါအ၀င် ပစ္စည်းနှင့် ငွေ စုစုပေါင်း၏ တန်ဖိုးမှာ ကျပ်သိန်း ၂၀၀ နီးပါးရှိသည်ဟု ရဲဌာန၏မှတ်တမ်းတွင် တွေ့ရသည်။
ယခုအမှုကို လှိုင်ရဲစခန်းက အမှုအမှတ် (ပ)၃၆၂/၂၀၁၃ဖြင့်အမှုဖွင့်ထားပြိး သံသယရှိသူကို ဖမ်းမိပါက ပြစ်မှုဆိုင်ရာ ဥပဒေပုဒ်မ ၃၈၀ ဖြင့် တရားစွဲမည်ဟုလည်း ရန်ကုန်တိုင်း ရဲဌာနက သတင်းထုတ်ပြန်ထားသည်။
Source : Mizzima
Thursday, August 29, 2013
ကျပ်သိန်း ၁၇၀ တန်သည့် ရွှေတုံးနှင့် ငွေများ ခိုးယူခံရသည်ဟုဆို
Posted by drmyochit
Thursday, August 29, 2013, under ပြည်တွင်းသတင်းများ | No comments
0 comments:
Post a Comment