Victoria's Secret ၏ Catwalk မော်ဒယ်လ်များတွင် မီရန်ဒါကားရ် မပါဝင်

နာမည်ကျော် အမျိုးသမီး အတွင်းခံ အဝတ်အထည် လုပ်ငန်းကြီးက ရွေးချယ်သော Victoria's Secret နတ်မိမယ်များသည် ကမ္ဘာပေါ်တွင် အလှဆုံး မော်ဒယ်လ်များ အဖြစ်လည်း တင်စားခံရလေ့ ရှိသည်။

Victoria's Secretသည် ယခုနှစ်အတွက် အမှတ်တံဆိပ် ကြော်ငြာကာ Catwalk လျှောက်ပေးမည့် မော်ဒယ်လ်များ စာရင်းကို အတည်ပြု ထုတ်ပြန်ခဲ့ပြီ ဖြစ်သည်။ နာမည်ကျော် အမျိုးသမီး အတွင်းခံ အဝတ်အထည် လုပ်ငန်းကြီးက ရွေးချယ်သော Victoria's Secret နတ်မိမယ်များသည် ကမ္ဘာပေါ်တွင် အလှဆုံး မော်ဒယ်လ်များ အဖြစ်လည်း တင်စားခံရလေ့ ရှိသည်။ ယခုနှစ်တွင် ထူးခြားမှု အနေဖြင့် Victoria's Secret၏ ပင်တိုင် အလှမယ်များဖြစ်သည့် မီရန်ဒါကားရ်၊ ကာရာဒီလီဗင်နီတို့ မပါဝင်ခြင်း ဖြစ်သည်။ နှစ်တစ်နှစ် ကုန်ဆုံးခါနီးတိုင်း ပြုလုပ်လေ့ရှိသည့် Victoria's Secret၏ Catwalk အစီအစဉ်ကို ယခုနှစ်၌မူ နယူးယော့ခ်မြို့၌ ဒီဇင်ဘာလ (၁၀)ရက်နေ့တွင် ကျင်းပမည်ဟု သိရသည်။

Victoria's Secret၏ နာမည်ကျော် အလှနတ်သမီးများဖြစ်သည့် အေဒရီယန်လီမာ၊ အလက်ဇန္ဒရို အမ်ဘရိုစီတို့သည် ဆွဲဆောင်မှုပြင်းပြသည့် အတွင်းခံ အဝတ်အထည်များနှင့် ကိုယ်ဟန်ပြရန် အသင့်ရှိနေပြီ ဖြစ်သည်။ သူမတို့နှင့်အတူ လိုင်လီအဲလ်ဒရစ်ဂ်ျ၊ ကန်ဒိုက်စ်ဆွမ်နီပိုဝဲလ်တို့ကလည်း အားဖြည့်ပေးမည်ဟု သိရသည်။ ဩစတြေးလျ မော်ဒယ်လ် မီရန်ဒါက သူမအနေဖြင့် မိခင်ဘဝကို ပိုမိုအာရုံစိုက်လိုသဖြင့် Victoria's Secret၏ အစီအစဉ်တွင် (၁)နှစ်ကြာ မပါဝင်လိုကြောင်း ကုမ္ပဏီနှင့် ညှိနှိုင်းသဘောတူညီခဲ့ခြင်း ဖြစ်သည်။ Victoria's Secret၏ ဖက်ရှင်မိတ်ဆက်ပွဲများတွင် ကမ္ဘာကျော် အဆိုတော်များကိုလည်း ငှားရမ်းလေ့ ရှိတတ်ရာ ယခုနှစ်အတွက် မည်သည့်ကြယ်ပွင့်များ ပါဝင်လာမည်ကို မသိရသေးချေ။ ယမန်နှစ်ကမူ ဂျက်စတင်ဘီဘာ၊ ရီဟန်နာ အစရှိသည့် နာမည်ကြီးများက ပင်တိုင် မော်ဒယ်လ်များနှင့်အတူ တွဲဖက်ဖျော်ဖြေမှုများ ပြုလုပ်သွားခဲ့သည်။

From: Planet Myanmar Network