Time in Rangoon 
ကချင်ပြည်နယ်မှာ ဖြစ်ပွားနေတဲ့ စစ်ပွဲတွေကို အခွင့်ကောင်းယူပြီးတော့ ဖားကန့်မြို့နယ် အတွင်းက မှော်တွေမှာ အခြေစိုက် လုပ်ကိုင်နေတဲ့ ကုမ္ပဏီတွေ သိုလှောင်ထားတဲ့ ပစ္စည်းတွေကို ဂိုဏ်းဖွဲ့ ၊ အုပ်စုဖွဲ့ပြီး ခိုးယူ လုယက် တာတွေ လုပ်ဆောင်နေတယ်လို့ ဒေသခံတွေ က ပြောပါတယ်။
စစ်ပွဲကြောင့် ကုမ္ပဏီတွေက လုပ်ငန်းတွေကို ရပ်နားထားခဲ့ရပြီး လုပ်ကွက်အတွင်းမှာရှိတဲ့ ပစ္စည်းတွေကို အစောင့် အနည်းငယ်နဲ့ ချန်ခဲ့ရာမှာ လူစုလူဝေးနဲ့ အခွင့်အရေးယူ လာရောက် လုယက်တာတွေ လုပ်နေတယ်လို့ ဖားကန့်မြို့ နယ် အမျိုးသားဒီမိုကရေစီအဖွဲ့ချုပ်က ဦးဒါရှီလဆိုင်းက ပြောပါတယ်။
စက်တင်ဘာလကုန်နဲ့ အောက်တိုဘာလ အစပိုင်းကစပြီး မှော်ထဲမှာ လုပ်ကိုင်နေတဲ့ ကုမ္ပဏီတွေရဲ့ ပစ္စည်းတွေ လုယက်ခံခဲ့ရတာလို့ ဦးလဆိုင်းက ပြောပါတယ်။
“ကုမ္ပဏီက ၁ ဧကလောက်ကျယ်တယ် ဒါပေမယ့် လူက ၁ ယောက် ၂ ယောက်ပဲ စောင့်နေတယ်၊ ကုမ္ပဏီမှာ ကားတွေ ယန္တရားတွေ ရပ်ထားတယ်။ ကုမ္ပဏီတွေကလည်း လူအုပ်ကိုကြောက်တာနဲ့ ကျောက်တွေယူခွင့်ပြုတယ်။ တချို့က ကျောက်မယူဘဲနဲ့ တခြား ပစ္စည်းယူတာတွေလည်း အများကြီး။ ဒါပေမယ့် ကုမ္ပဏီတွေကလည်း သူတို့ အသက်အန္တရာယ် ကြောက်တာနဲ့ ဘာမှမပြောရဲဖြစ်နေတယ်။”
ဒီလိုလူစုလူဝေးနဲ့ခိုးယူတာကို အာဏာပိုင်တွေက ဖမ်းဆီး အရေးယူ တာတွေရှိပေမယ့်လည်း လူတွေက အရေးမထားဘူးလို့ ဆိုပါတယ်။ ကချင်လွတ်မြောက်ရေး တပ်မတော်ကလည်း အခုလို ခိုးယူတာတွေ အတွက် အရေးယူဆောင်ရွက်ဖို့ လုပ်နေသလို ဖမ်းဆီးထားတာလည်း လူ ၅၀ လောက်ရှိနေတယ်လို့ တခြားဒေသခံ တဦးက ရှင်းပြပါတယ်။
“ကျနော်တို့ ဖားကန့်မှာ ကေအိုင်အေနဲ့ စစ်တပ် တိုက်ပွဲဖြစ်တာကို အခွင့်ကောင်းယူပြီး ကုမ္ပဏီတွေရဲ့ အဖိုးတန်ပစ္စည်းတွေ၊ ကျောက်စိမ်းတွေထားတဲ့ သိုလှောင်ရုံမှာ ဖောက်တယ်၊ အဆောင်တွေကို မီးရှို့တယ်။ အဖိုးတန်ပစ္စည်းအကုန်မကျန်ယူသွားတယ်။ ဂိုဏ်း ၂ ဂိုဏ်း လူအင်အားက ၁၀၀၀ ၀န်းကျင်လောက် ရှိမယ်။”
ဒီလိုခိုးယူလုယက်တာတွေအတွက် တချို့ကုမ္ပဏီတွေဆိုရင် သိန်းထောင်နဲ့ချီ အခိုးခံနေရတယ်လို့ ဖားကန့်ဒေသ ခံက ပြောပေမယ့် ဒီဗွီဘီက သီးခြား အတည်ပြုချက် ရယူနိုင်ခြင်းတော့ မရှိသေးပါဘူး။
(DVB)
0 comments:
Post a Comment