မေတ္တာသည်သာ အေးချမ်းရာ....

လွန်ခဲ့သော ၁၉၂၅ ခုနှစ် ခန့်မှန်းခြေ အားဖြင့် ဇူလှိုင်လလောက် တုန်းက နယူးယောက်မြို့မှာ ဖြစ်ပေါ်ခဲ့တဲ့ အဖြစ်အပျက်လေး တစ်ခုကို ရေးသား လိုက်ပါတယ်။

တစ်နေ့ နယူးယောက်မှာ အကြီးတန်း အရာရှိတွေဟာ မြို့ကို ကားဖြင့် ပတ်ပါတယ်။ ထုံးစံအတိုင်း လမ်းကို ဥသြဆွဲပြီး လမ်းရှင်းပေး ရတာပေါ့။ ထိုအချိန်မှာပဲ အရာရှိတွေ၏ ကားများဟာ ရုတ်တရာက် ရပ်လို့သွားပါတယ်။
ဘာလို့ ကားတွေကို ရပ်လိုက်လဲ ဆိုတော့ ကားလမ်းမပေါ်မှာ ကြောင် မကြီးက သူ့သားလေးကို ကိုက်ချီ၍ လမ်းဖြတ်ကူးတာကို တွေ့လိုက်ရလို့ပါ။ ဒါကြောင့် အရာရှိတွေနှင့်တကွ နောက်လိုက်များဟာ ကြောင်သားအမိကို လမ်းဖြတ်ကူးခွင့်ကို ပေးလိုက်ပါတယ်။

ခေါင်းဆောင် အရာရှိက သူ၏ တပည့်တွေကို အခုလို ပြောပါတယ်။ " မည့်သည့် သတ္တဝါမဆို နာကျင်တတ်တဲ့ နှလုံးသားရှိတယ်၊ ကိုယ် ကယ်လိုက်တဲ့ အတွက် တစ်နေ့ ကိုယ့်ကိုယ် ပြန်ကယ်မယ့်သူ ပေါ် လာလမ့်မယ် " လို့ ပြောလိုက်ပါတယ်။

အချုပ်အားဖြင့် ဆိုသော် မည်သည့် သတ္တဝါ မဆို နာကျင်တတ်တဲ့ နှလုံးသားတွေ ရှိတယ်။ လူသားတွေဟာ သူတို့အပေါ်ကို ရက်စက်စွာ မလုပ်သင့်ဘူး။ မေတ္တာထား သင့်တယ်။ မေတ္တာသည်သာ လူတိုင်းအတွက် အေးချမ်းရာ နေရာတစ်ခု ဖြစ်ပါတယ်။

Ref - Do Something
ကျော်လင်းနိုင် (ရိုးရာလေး)