Time in Rangoon 
Twilightစတား မင်းသမီးက ပြီးခဲ့သည့် တစ်နှစ်လုံးလိုလို ရိုက်ကွင်းများနှင့် ကင်းကွာနေခြင်းသည် သူမနှင့် သင့်တော်သည့် ရုပ်ရှင်မျိုး ရွေးချယ်စရာ မရှိ၍ ဖြစ်ကြောင်း ပြောဆိုခဲ့သည်။
ခရစ္စတန် စတီးဝပ်က သူမအနေဖြင့် (၂၀၁၃)ခုနှစ် အတွင်းက ရုပ်ရှင်လောကမှ လုံးဝဥဿုံ အနားယူနေ ရန် အစီအစဉ် မရှိခဲ့ဟု ဝန်ခံပြောကြားခဲ့သည်။ Twilightစတား မင်းသမီးက ပြီးခဲ့သည့် တစ်နှစ်လုံးလိုလို ရိုက်ကွင်း များနှင့် ကင်းကွာနေခြင်းသည် သူမနှင့် သင့်တော်သည့် ရုပ်ရှင်မျိုး ရွေးချယ်စရာ မရှိ၍ ဖြစ်ကြောင်း ပြောဆိုခဲ့သည်။ ခရစ္စတန်သည် (၂၀၀၆)ခုနှစ် အတွင်းက ဟောလီးဝုဒ်၌ စတင်လူ သိများ လာပြီး ထို့နောက်ပိုင်းတွင် ဆက်တိုက် ရုပ်ရှင်များ ရိုက်ကူးကာ အလုပ်အလွန် ကြိုးစားသည့် မင်းသမီး တစ်လက် အဖြစ် နာမည်ကောင်း ရခဲ့သည်။ သို့သော်လည်း (၂၀၁၃)ခုနှစ်တွင်မူ သူမအနေဖြင့် ကား ရိုက်ကြဲ သွားခဲ့ပြီး ယင်းသည် အလုပ်များလွန်းသည့် အခြေအနေများကြောင့် သီးခြား အချိန်ပေး အနားယူခြင်းဟု ပရိသတ်များက ယူဆခဲ့ကြသည်။
သို့သော်လည်း ခရစ္စတန်က ယင်းအချက်ကို ပယ်ချသွားခဲ့သည်။ သူမက (၂၀၁၃)ခုနှစ်တွင် ပါဝင် သရုပ်ဆောင် သည့် ဇာတ်ကား လုံးဝ မရှိခြင်းနှင့် ပတ်သက်ပြီး "ကျွန်မအနေနဲ့ အနားယူဖို့အတွက် အချိန် အကြာကြီး စဉ်းစားခဲ့ပါတယ်။ ဒါပေမဲ့ မနှစ်က အခြေအနေကတော့ ကြိုတင်စီစဉ်ထားတာ လုံးဝ မဟုတ်ပါ ဘူး။ ကျွန်မက အလုပ်ကို အစွဲအလမ်း ကြီးတဲ့သူပါ။ ကျွန်မအနေနဲ့ အနားယူနေခဲ့တယ်လို့ မဆိုနိုင်ပါဘူး။ တကယ် လို့ ကျွန်မအတွက် သင့်တော်တဲ့ ဇာတ်ကားတစ်ခု ဖြစ်မယ်ဆိုရင် ခရစ္စမတ်မှာလည်း ကျွန်မ အလုပ်လုပ်နေမှာပဲ။ ဒါက ပြဿနာ မဟုတ်ပါဘူး"ဟု ရှင်းပြခဲ့သည်။
From : Planet Myanmar Network
0 comments:
Post a Comment