၂၀၁၂ မှာ တကယ် ကမ္ဘာပျက်ခဲ့တယ်…

ရှေ့တန်းထွက်နေတဲ့ တပ်ရဲ့ နောက်တန်းမှူး တစ်ယောက် အနေနဲ့ တပ်ရဲ့ သန့်ရှင်း သာယာ လှပရေး၊ မိသား စု ပေါင်း ၂၀၀ ကျော်ရဲ့ စားဝတ်နေရေး၊ အပတ်စဉ် လစဉ် ပေးပို့နေရတဲ့ အစီရင်ခံစာ၊ပြန်တမ်းေ တွကြောင့် နားရ တယ်ဆိုတာ မရှိပါဘူး။

လင်ယောကျာ်းနဲ့ တပ်ရင်းက စစ်သည်တွေ အကုန်ရှေ့တန်းထွက်ပြီမို့ တပ်ရင်းမှူး ကတော်ဦးစီးပြီး နေ့စဉ် အန္တရာယ် ကင်း ပရိတ် ရွတ်ဖက်ရတာ၊ တပ်ရင်း သာယာလှပရေးအတွက် လုပ်ရတာ၊ သက်သာချောင်  ချိရေး အတွက် လယ်စိုက်၊ ခြံစိုက် ရတာတွေက တပ်ရင်းတစ်ရင်းရဲ့ ပုံမှန် အလုပ်တွေထဲမှာ အပါအ၀င်ပါပဲ။

စစ်သည် ၂ ယောက် တိုက်ပွဲမှာ ကျပြီးကတည်းက အန္တရာယ် ကင်းစေဖို့ စုပြီး ပရိတ် ရွတ်ဆိုတာကို နေ့၊ည ခွဲပြီး လုပ်ဆောင်နေတဲ့ ၂၀၁၂ ရဲ့ နေ့စွဲတစ်ခုမှာ ဗိုလ်မှူး ရှေ့တန်းက စက်ပေါ်လာခဲ့ပါဆိုတဲ့ အသံနဲ့ စက် သမား က လာခေါ်တယ်။ စကားပြောခွက်ကို ကိုင်လိုက်စဉ်မှာပဲ စိတ်မကောင်းစရာ သတင်း၊ တပ်ရင်းမှူး အပါ အ၀င် လူပေါင်း ၆၀ တိုက်ပွဲမှာ ကျတယ်လို့ ပြောတယ်။ ဖြစ်စဉ်နဲ့ နာမည်တွေ ပြောမယ် ဆိုပြီး ကြည်း… ဗိုလ်မှူး….. ဘယ်သူ ဆိုတာက စလို့ တစ်ယောက်ပြီး တစ်ယောက် နာမည်တွေ ဖတ်ပြတယ်။ ကိုယ့်ရဲ့ ညီလေးတွေ၊ ကိုယ့် အပေါ်မှာ အရမ်းကောင်းခဲ့တဲ့ ဆရာကြီးတွေ၊ ခိုင်းသမျှ မညည်းမညူ လုပ်ပေး ခဲ့တဲ့ တပည့်ရဲဘော်တွေရဲ့ အမည်ကို တုန်ရင်နေတဲ့ လက်၊ မျက်ရည် မကျမိအောင် တင်းထားတဲ့ စိတ်တွေ နဲ့ လိုက်မှတ် ခဲ့ရတယ်။

အကောင်းဆုံး ဖြစ်အောင် ဆောင်ရွက်ပါ ဆိုတဲ့ ညွှန်ကြားချက် အဆုံးမှာတော့ စကားပြောခွက်ကိုချ ဘေးက ဆက်သား ရဲဘော်ကို တပ်ရေး၊ တပ်ထောက် ဗိုလ်ကြီးတွေ အပါ နောက်တန်းကျန် အရာရှိအားလုံး တပ်ရင်း ရုံးကို ချက်ချင်းလာခဲ့။ ဘာမှ မပြောနဲ့ လို့မှာ ပြီး လွှတ်လိုက်တယ်။

ကြားနေတဲ့ အန္တရာယ်ကင်း ပရိတ် ရွတ်သံကြားမှာ ရှေ့တန်းထွက်စဉ်က တပ်ရင်းက မိသားစုတွေ အတွက် စိတ် မချလို့ တတွတ်တွတ် မှာခဲ့တဲ့ တပ်ရင်းမှူး မျက်နှာ၊ တိုက်ပွဲဝင် စစ်သူကြီးတွေလို ချပ်ဝတ်တန်ဆာ အပြည့် အစုံ နဲ့ ကားပေါ်တက်သွားတဲ့ ညီငယ် အရာရှိတွေနဲ့ စစ်သည်တွေရဲ့ မျက်နှာ၊ အီကွေ့မန့် ဘိုသီ ဘတ်သီနဲ့ အပြေးလာပြီး ဗိုလ်မှူး.. ကျွန်တော့် အမေနဲ့ ညီလေး ကို ကူညီပေးပါအုံးလို့ ပြောခဲ့တဲ့ လူပျို စစ်သည် ပေမယ့် မိဘ မောင်နှမကို စောင့်ရှောက်ဖို့ တပ်ထဲမှာ ခေါ်ထားချင်တယ်လို့ သတင်းပို့လို့ ခေါ်ခွင့်ပေး ခဲ့ ရတဲ့ ရဲဘော် တစ်ဦးရဲ့ မျက်နှာတွေကို အစီအရီ မြင်နေမိတယ်။

ရှေ့တန်းက ကြေးနန်းလာတယ်၊ အရာရှိတွေ အကုန် တပ်ရင်းရုံးမှာ စုမယ်လို့ ဆက်သားရဲဘော်က အော်လို က်တဲ့ အသံ အဆုံးမှာ ဓမ္မာရုံမှာ အန္တရာယ်ကင်း ပရိတ်ရွတ်ဆိုသံက ဝေါကနဲ ပို ကျယ်လာတယ်။ ဘာထူးလို့ လဲ ဆိုတာ သိချင်ပေမယ့် ရဲမေတွေကို ဦးဆောင်နေရတဲ့ တပ်ရင်းမှူးကတော်ရဲ့ စိတ်မှာ ဘယ်လောက် တုန် လှုပ်နေမလဲ၊ ရဲမေတွေ အားလုံး စိတ်မှာ ဘယ်လောက် တုန်လှုပ်နေမလဲ ဆိုတာ တွေးပြီး ဆက်ပြီး လုပ်ရမယ့် အစီအစဉ်တွေကို တစ်ခုချင်း စဉ်းစားနေမိတယ်။

ကိုယ်ကလည်း ငြိမ်နေတော့ အရာရှိတွေကလည်း မမေးရဲ၊ လူစုံပြီလား..စုံပြီ ဆိုတော့မှ တံခါးကို လော့ချပြီး အဖြစ်အပျက်တွေကို အရာရှိတွေကို ပြောပြရတယ်။ ဘယ်သူက ဘာတာဝန်ယူ၊ ဘယ်သူက ဘယ်လို လုပ် အကုန်လုံး တတ်နိုင်သမျှ မှာပြီး အခန်းပြင်ကို ထွက်လာတဲ့ အချိန်မှာတော့ အပြင်မှာ ငြိမ်ပြီးစောင့်နေတဲ့ တပ်ရင်းမှူး ကတော်နဲ့ ရဲမေတွေ ၊ ကလေးတွေကို တွေ့လိုက်ရတယ်။

ရင်ထဲမှာ ဆို့နင့်နေတာမို့ လည်ချောင်းတွေ ခြောက်ကပ်ပြီး မျက်ရည်က အလိုလို စီးကျလာတယ်။ အနားကို တပ်ရင်းမှူး ကတော်က ရောက်လာပြီး ဗိုလ်မှူး၊ ဘာဖြစ်လို့လဲ ပြောပြပါ၊ ကျွန်မ သိချင်ပါတယ် လို့ လာပြောချိန် မှာတော့ ကျွန်တော် သူမကို ကြည့်ပြီး စကားသံ ချက်ချင်း မထွက်နိုင်ပါဘူး။ အံကြိတ်ပြီး ကိုယ့်မျက်ရည် ကိုယ် ပြန်သုတ်၊ တပ်ရင်းမှူး တို့ အသက်ပေးခဲ့ရပြီ အစ်မ လို့ပြောလိုက်ချိန်မှာ ရင်ဘတ်ထဲကို ဆောင့်တက်လာသလို ခံစားရတယ်။

အဆိုးဆုံးကို မျှော်လင့်ပြီး မေးပေမယ့် တပ်ရင်းမှူးကတော်လည်း ဖြေမဆည်နိုင်ပါဘူး။ အသံတစ်ချက်မှ မထွက် ပေမယ့် မျက်ရည်တွေက စီးကျလာတယ်။ ကျွန်တော် သူမကို မနှစ်သိမ့်တော့ပါဘူး။ အရှေ့က တပ်ရင်းက ရဲမေတွေအကုန် ဓမ္မာရုံမှာ စုပြီး စောင့်နေဖို့ ပြောလိုက်တယ်။ အားလုံးရဲ့ မျက်နှာတွေက စိုးရိမ်စိတ်တွေ အပြည့်၊တပ်ရင်းမှူး ကတော် ငိုတာတွေ့လို့ လိုက်ငိုကြတဲ့ ရဲမေတွေ၊ အံကြိတ်ပြီး ဘေးက ရပ်နေတဲ့ အရာရှိ စစ်သည်တွေ အကုန် ဓမ္မာရုံကို သွားဖို့ ထပ်ပြီး နှိုးဆော်ရတယ်။

အဖေ့လစာ တစ်ခုထဲနဲ့ ရပ်တည်နေတဲ့ စစ်သည် မိသားစုတွေ၊ အဖေ့မျက်နှာ၊ သားမျက်နှာနဲ့ နားခိုစရာ နေရာ တစ်ခု ရထားတဲ့ အိမ်ထောင်သည်လိုင်းခန်းက မိသားစုတွေ၊ ရပ်ဝေးတစ်နေရာကနေ သားတစ်ေ ယာ က် ကျန်းမာ ချမ်းသာပါစေကြောင်း ဆုတောင်းရင်း စိုးရိမ်နေတဲ့ မိဘတွေကို ကျွန်တော် ဖြေသိမ့်ပေးနို င်မယ့် စကားလုံး စဉ်းစား မရပါဘူး။ ဗိုလ်မှူး ဖုန်းလာနေတယ်၊ ဗိုလ်ကြီး… ဘယ်သူရဲ့ အမေပါ လို့ပြော တယ် ဆိုပြီး တိုက်ပွဲမှာ ကျသွားတဲ့ ညီငယ် အရာရှိ မျက်နှာကို ကွက်ကနဲ ပြန်မြင်မိလိုက်တယ်။ အစည်း အဝေး လုပ်နေတယ် လို့ ပြောလိုက်ပါကွာ ဆိုပြီး ဓမ္မာရုံဘက်ကို တစ်လှမ်းချင်း လျှောက်လာ မိတယ်။

လူပေါင်း ၆၀ သေဆုံးတဲ့ ဖြစ်စဉ်ကို မိသားစုတွေ ရှေ့မှာ ကျွန်တော် ဘယ်လို ပြောရမလဲ။ လူပေါင်း ၆၀ ရဲ့ နောက် မှာ မှီခိုနေတဲ့ မိသားစုတွေရဲ့ မျက်ရည်တွေကို ကျွန်တော် ဘယ်လို ဖြေသိမ့်ပေးရမလဲ။ လူပေါင်း ၆၀ ရဲ့ အလောင်း မပါတဲ့ ဈာပနကို ကျွန်တော် ဘယ်လို ကျင်းပပေးရမလဲ။ 

အားပေးနှစ်သိမ့်ဖို့ ရောက်လာကြတဲ့ နယ်မြေတစ်ခုထဲက အရာရှိကြီးတွေရဲ့ ကားတွေ ရောက်လာတယ်၊ ဓမ္မာရုံမှာ ငိုကြွေးသံတွေနဲ့ ဆူညံနေတယ်။ ကျွန်တော့် ရင်ထဲမှာလည်း ဗလောင် ဆူနေတယ်။ ဟုတ်ပါ တယ်။ ၂၀၁၂ မှာ တကယ် ကမ္ဘာပျက်ခဲ့ပါတယ်။ ကျွန်တော့်တို့ရဲ့ ကမ္ဘာလေးမှာ မျက်ရည်တွေနဲ့ ဖုံးခဲ့ပါ တယ်ဗျာ။