ဦးသန်းရွှေ၏ မြေး ဖိုးလပြည့်မှ ပြည်သူ့ ဝန်ထမ်း ယာဉ်ထိန်းရဲတဦးအား လက်သီးနဲ့ ထိုး ၊ ပါးရိုက် ၊ ရုံးခန်းအတွင်း ခေါ်ယူနှိပ်စက်ပြီး မိုက်ရိုင်းစွာပြုမူခဲ့

14-3-2013 ရက်နေ့ (1400)ချိန် ခန့်တွင် ရန်ကုန် တိုင်း ဒေသကြီး၊ ကမာရွတ်မြို့နယ်၊ အမှတ်(9) ရပ် ကွက်၊ တက္ကသိုလ် ရိပ်သာလမ်းနှင့် အင်းယားလမ်း မီးပွိုင့် တွင် ယာဉ်ထိန်း တပ်ဖွဲ့စု(25)မှ လ 226993 တပ် သား စံသိန်းထွေး(ဘ) ဦးစံလှဘော်သည် ယာဉ် ထိန်း တာဝန်ဆောင်ရွက်နေစဉ် အင်းယား လမ်းအ တိုင်း မြောက်မှ တောင်သို့ (ယခင် တပ် မတော် ကာကွယ်ရေး ဦးစီးချုပ် ဗိုလ်ချုပ်မှူးကြီး သန်းရွှေ၏ မြေး ဖိုးလပြည့်) မောင်းနှင် လာသော 9ဂ/9914 မက်တူး ငွေမှင်ရောင်ကား မီးပွိုင့်သို့ ရောက်ရှိ လာပြီး ဖိုးလပြည့်မှ စကားပြော စက်ဖြင့် လမ်းရှင်းပေးရန် ပြော၍ တပ်သားစံသိန်းထွေးမှ ဖိုးလပြည့် မောင်းနှင် လာသည့် ယာဉ်ကြော အား မီးနီနေသည့် ကြားမှ မီးစိမ်းပေးခဲ့ကြောင်း၊ ပွိုင့်ဖြတ်၍ မီးဝါသွား သဖြင့် ဖိုးလပြည့်မှ မကျေ နပ်ပြီး ၎င်း၏ ကားအား နိုင်ငံခြား ဘာသာ တက္ကသိုလ် ရှေ့အရောက်လောက် တွင် ကားအား ပြန်ကွေ့ လာပြီး ယာဉ်ထိန်း တသ စံသိန်းထွေးအား လှမ်းခေါ်ခဲ့ကြောင်း၊ တသ စံသိန်းထွေးမှ ကားအနား သို့ သွား ရပ်ခဲ့ရာ ဖိုးလပြည့်မှ တသ စံသိန်းထွေးအား မင်း ငါစက်ခေါ်တာ မကြားဘူးလား။ ငါက မင်းကို လမ်း လယ် ထွက်ရှင်းခိုင်းတာ မီးဝါကို တွေ့ချင်တာ မဟုတ်ဘူး သူ့ကို မီးဝါမှ ထွက်ခိုင်းတယ်ဆိုတဲ့ သဘော လားဟု ပြော၍ ယူနီဖောင်း အင်္ကျီစအား ဆွဲပြီး လက်သီးနှင့် လှမ်းထိုးကြောင်း၊ ဖိုးလပြည့်မှ မင်းနောက် ဆို မလွယ်ဘူး၊ ဟုပြောဆိုပြီး မောင်းနှင်ထွက်သွားကြောင်း သိရသည်။

15 မိနစ်ခန့်အကြာတွင် အရပ်ဝတ်ဖြင့် ဗိုလ်မှူးဆိုသူ တစ်ဦး ရောက်ရှိလာပြီး ဖိုးလပြည့်မှ ခေါ်ခိုင်းသည်ဟု ဆိုကာ ယာဉ်ထိန်း တပ်သား စံသိန်းထွေးအား လာခေါ်သဖြင့် ရုံးအမိန့် တစ်စုံတစ်ရာမှ မတွေ့သဖြင့် တပ်သား စံသိန်းထွေးမှ လိုက်ပါမသွားဘဲ မီးပွိုင့်တွင် အတူရှိနေသော တပ်ကြပ် ဌေးသိန်းအား ပြောပြီး တပ်ဖွဲ့စုရုံးသို့ ပြန်ခဲ့ကြောင်း၊ တပ်ဖွဲ့ စုရုံးသို့ ရောက်ရှိသည့်အခါ ဖြစ်စဉ်အား တပ်ကြပ်ကြီး ၀င်းမြထံသို့ သတင်းပို့ တင်ပြပြီး တကက ၀င်းမြမှ တပ်ဖွဲ့ စုမှူး ဒုရဲမှူး ဥာဏ်လင်းထံ သတင်းပို့ခဲ့ကြောင်း၊ 1500 ချိန်ခန့်တွင် အရပ်ဝတ်ဖြင့် ဗိုလ်မှူး ဆိုသူ တပ်ဖွဲ့ စုမှူးရုံးသို့ လိုက်လာပြီး တပ်သ စံသိန်းထွေးအား လာခေါ်သဖြင့် တကက ၀င်းမြမှ တပ်ဖွဲ့ စုမှူးထံသို့ သတင်းပို့ရာ တပ်ဖွဲ့ စုမှူးမှ ဒုသမ္မတ ဒေါက်တာ စိုင်းမောက်ခမ်း လမ်းကြောင်းရှိ၍ မလိုက်ရန် ပြောကြားကြောင်း၊ 1520ခန့်တွင် ဖိုးလပြည့် ထပ်မံ ရောက်ရှိလာပြီး တသ စံသိန်းထွေးအား ထပ်မံခေါ်သဖြင့် တကက ၀င်းမြမှ ပြေပြေလည်လည်နှင့် ပြီးသွားစေရန် ရည်ရွယ်၍ လေးလေးစား ပြောဆိုရန် မှာကြားကြောင်း၊ တပ်သား စံသိန်းထွေးမှ ဖိုးလပြည့် ကားရှေ့တွင် 15 မိနစ်ခန့် ရပ်နေပြီး ဖိုးလပြည့်မှ ကားပေါ်မှ ဆင်းလာကာ မင်းငါ့ကို မလေးစားလို့လား။ မလုပ်ပေးချင်လို့လား၊ ကျန်တဲ့ ပွိုင့်တွေဆို ကြည်ကြည်ဖြူဖြူ လုပ်ပေးကြတယ်၊ ဟု ပြောဆိုကာ စံသိန်းထွေး၏ ၀ဲယာပါးအား ရိုက်ပြီးနောက် အဲလို မလုပ်နဲ့ဟု ပြော၍ ကားမောင်း ထွက်သွားကြောင်း၊ တသ စံသိန်းထွေးမှာ ရဲအုပ် ဇော်င်္လင်ဦးနှင့်အတူ ဗိုလ်မှူးဆိုသူ မောင်းနှင်သည့် ကားဖြင့် ဖိုးလပြည့် နေထိုင်ရန် မရမ်းကုန်းမြို့နယ်၊ ကမ္ဘာအေး ဘုရားလမ်းရှိ နေအိမ်သို့ လိုက်ပါ သွားခဲ့ကြောင်း၊ ရဲအုပ် ဇော်လွင်ဦးအား ခြံဝင်း အ၀င်တွင် အစောင့်များမှ တသ စံသိန်းထွေး ၀တ်ဆင်လာသည့် ဖိနပ်ကြီး၊ အင်္ကျီ၊ ဦးထုပ်တို့အား ချွတ်ခိုင်းပြီး ၎င်းတို့ထံမှ ဘောလုံး အင်္ကျီ ၀တ်ဆင်စေပြီး ဧည့်ခန်းထဲတွင်၊ စောင့်ခိုင်းခဲ့ကြောင်း၊ 5 မိနစ်ခန့် အကြာတွင် ဖိုးလပြည့် ၀င်ရောက်လာပြီး ၎င်းလက်တွင် ကိုင်ထားသော ရေခဲရေဗူးမှ ရေဖြင့် ယာဉ်ထိန်း တပ်သား စံသိန်းထွေး၏ မျက်နှာအား ပက်၍ ဒူးထောက်ထိုင်ခိုင်းပြီး မင်းယောက်ျားဆိုယင် မျက်စိ မှိတ်ဟု ပြောသဖြင့် ၎င်းမှ ဒူးထောက် မျက်စိမှိတ် ဟု ပြောသဖြင့် ၎င်းမှ ဒူးထောက် မျက်စိမှိတ် ပေးရာ ဖိုးလပြည့်မှ(မဖွယ်မရာဆဲဆိုကာ) ပါးတစ်ချက် ရိုက်ပြီး မင်းနောက် အဲဒီလို မလုပ်နဲ့ဟု ပြော၍ ရုံးခန်းထဲမှ ပြန် ထွက်သွားကြောင်း၊ ဗိုလ်ကြီးဆိုသူ 3 ဦးမှ တသ စံသိန်းထွေးအား ဒီကိစ္စကို ဘယ်သူကိုမှ မပြောနဲ့၊ သူက ဒီလို ပုံစံမျိုး အမြဲတမ်းလုပ်နေတာ၊ ငါတို့လည်း ဒီလိုဘဲ အမြဲတမ်း နေနေရတာ၊ ဖြစ်လာရင် မင်းတို့ပဲ ခံရမှာဟု ပြော၍ နေအိမ် အပြင်ဘက်သို့ ပြန်ထွက်လာပြီး ယာဉ်ထိန်း တစ်ဦး မောင်းနှင်သည့် ဗိုလ်မှူး၏ ကားဖြင့် တပ်ဖွဲ့စုရုံးသို့ လိုက်ပို့ခဲ့ရာ 1645 ချိန် ပြန်လည် ရောက်ရှိခဲ့ပြီး 16-3-2013 ရက်နေ့ 1900 ချိန်တွင် တပ်ဖွဲ့စုမှူး ဒုရဲမှူး ဥာဏ်လင်းမှ ဆေးစာယူရန် ပြောကြားသဖြင့် တသ စံသိန်းထွေးမှ ဆေးစာရယူပြီး ရန်ကုန် ဆေးရုံကြီးတွင် ပြင်ပ လူနာအဖြစ် ဆေးကုသ ခံယူလျက် ရှိကြောင်း ယာဉ်ထိန်းရဲ သတင်း ရပ်ကွက် မှ စုံစမ်း သိရှိရပါသည်။

သစ်ထူးလွင်

From: Thit Htoo Lwin Blog