အိမ်နီးချင်းများက (၁၅)နှစ်အရွယ်မိန်းကလေးအား လူသုံးဦးဖြင့် အခကြေးငွေယူ စပ်ယှက်စေခဲ့

အခကြေးငွေယူပြီး သူ့သမီးလေးကို လူသုံးဦးနှင့် ကာမစပ်ယှက်စေသည်ဟုဆိုကာ အိမ်နီးချင်းများကို ကလေးမိခင်က ရဲစခန်း၌ တိုင်တန်းမှုတစ်ခု သြဂုတ် ၂၅ ရက်က ဒဂုံဆိပ်ကမ်းမြို့နယ်ရဲစခန်းတွင် အမှုဖွင့်ထားကြောင်း ရန်ကုန်တိုင်း ရဲတပ်ဖွဲ့မှူးရုံးက သတင်းထုတ်ပြန်သည်။

ကလေးငယ်သည် အသက် ၁၅ နှစ်အရွယ်သာရှိသေးပြီး သူမ၏မိဘများသည် ဒဂုံဆိပ်ကမ်းမြို့နယ်တွင် ကျူးကျော်တဲဖြင့် နေထိုင်သူများဖြစ်ကြသည်ဟု ရဲမှတ်တမ်းများတွင် တွေ့ရသည်။

သြဂုတ် ၂၃ ရက်ညတွင် ထိုကလေးသည် အိမ်သို့ ပြန်မလာသဖြင့် ည ၈ နာရီကတည်းက လိုက်ရှာသော်လည်း မတွေ့ခဲ့ရကြောင်း နောက်တစ်နေ့ နံနက် ၂ နာရီအချိန်ရောက်မှ အိမ်သို့ ပြန်ရောက်လာကြောင်း မိခင်ဖြစ်သူက ရဲကိုတိုင်တန်းရာတွင် ပြောကြားထားသည်။

ထို့ကြောင့် သမီးဖြစ်သူကို မေးမြန်းရာ အိမ်နီးချင်းများက အခကြေးငွေယူကာ သူ့ကို လူသုံးဦးနှင့် ကာမစပ်ယှက်စေခဲ့သည်ဟု ဖွင့်ပြောခဲ့ကြောင်းလည်း မိခင်ဖြစ်သူက ရဲကိုတိုင်တန်းသည်။

အိမ်နီးချင်းဖြစ်သည့် အသက် ၄၂ နှစ်အရွယ် အမျိုးသမီးကြီး၊ အသက် ၁၉ နှစ်အရွယ် လူငယ်တစ်ဦးနှင့် အသက် ၁၇ နှစ်အရွယ် အမျိုးသမီးတစ်ဦးတို့က သူမကို ဆိုင်ကယ်ဖြင့် ဒဂုံဆိပ်ကမ်းမြို့နယ် ပဲခူးမြစ်လမ်းတွင် ရပ်ထားသော ကွန်တိန်နာ ကုန်တင်တွဲယာဉ်၏ ခေါင်းခန်းသို့ တင်ဆောင်ပေးခဲ့ကြောင်းလည်း ကလေး၏ ပြောကြားမှုကို မိခင်က ရဲစခန်း၌ ပြန်ပြောပြခဲ့သည်။

ထိုကွန်တိန်နာထဲတွင် အမည်မသိ ယာဉ်မောင်းသုံးဦးနှင့် ကာမစပ်ယှက်ခဲ့ရပြီး သူ့ကို လိုက်ပို့သည့် အမျိုးသမီးကြီးနှင့် ကျန်သူ နှစ်ဦးတို့က ငွေကြေးများရယူခဲ့သည်ဟုလည်း ကလေးက ပြန်ပြောပြသည်ဟု ကလေးမိခင်က ရဲကို ပြောထား သည်။

ယင်းကိစ္စနှင့်ပတ်သက်၍ မိခင်ဖြစ်သူက သူ့သမီးကို သွေးဆောင်၍ အခကြေးငွေယူပြီး ကာမစပ်ယှက် စေခဲ့သူများကို အရေးယူပေးပါရန် စွပ်စွဲတိုင်ကြားသဖြင့် ရဲစခန်းက အမှုဖွင့်ထားသည်။

စွပ်စွဲခံရသူသုံးဦးမှာ ဒေါ်သီတာချို၊ အသေးလေး(ခ)ကိုရွှေကိုနှင့် မရွှေဝတ်မှုံဆိုသူတို့ ဖြစ်ကြကြောင်းလည်း ရဲဌာနက အတည်ပြုထားသည်။

ထိုသုံးဦးအနက် ဒေါ်သီတာချိုနှင့် အသေးလေးတို့ကို ဖမ်းဆီးစစ်ဆေးလျှက်ရှိပြီး ကျန်သူများကိုလည်း လိုက်လံရှာဖွေ စုံစမ်း နေသလို၊ ၎င်းတို့ကို ပြစ်မှုဆိုင်ရာ ဥပဒေ ပုဒ်မ ၃၆၆ ကာမသွေးဆောင် အကျင့်ဖျက်ဆီးမှုဖြင့် တရားစွဲမည်ဟု ရန်ကုန်တိုင်း ရဲဌာန၏ ထုတ်ပြန်ချက်တွင် ပါရှိသည်။

Source : Mizzima

ပုံရိပ်(burmesehearts.com)
(Visited 12 times, 12 visits today)