ဖိလစ်ပိုင်ရဲများ တရားခံများအား နှိပ်စက်ရာတွင် ကံစမ်းမဲနှိုက်၍ နှိပ်စက်နည်းများး ရွေးချယ်ကာ နှိပ်စက်ခဲ့ကြ

ဖိလစ်ပိုင်နိုင်ငံ မနီလာမြို့အနီးရှိ ရဲတပ်ဖွဲ့အပိုင် လျှို့ဝှက်ထိမ်းသိမ်းရေး စခန်းတစ်ခုတွင် တရားခံများအား ဖမ်းဆီး မေးမြန်းစစ်ဆေးရာ၌ အသုံးပြုလေ့ရှိသည့် နှိပ်စက်နည်းရွေးချယ်သော ကံစက်ဝိုင်းတစ်ခုကို ရှာဖွေ တွေ့ရှိ ခဲ့ကြောင်း သိရသည်။

ပျော်ရွင်ပွဲများ၌ လက်ဆောင်ပစ္စည်းများ ကံစမ်းရွေးချယ်ရာတွင် အသုံးပြုလေ့ရှိသည့် ကံစက်ဝိုင်းလှည့် ကံစက်ဝိုင်းလှည့် ကိရိယာ ကဲ့သို့ ပြုလုပ်ထားသော နှိပ်စက်နည်း ရွေးချယ်ကိရိယာကို အဆိုပါရဲဘက် လျှို့ဝှက်အချုပ်စခန်း၌ ဆယ်စုနှစ် သုံးခုကျော်ကြာအောင် အသုံးပြုခဲ့ကြသည်ကို စစ်ဆေးတွေ့ရှိခဲ့ကြောင်း ဖိလစ် ပိုင် လူ့အခွင့်အရေး ကော်မရှင်အဖွဲ့၏ ဥက္ကဌ လောရီတာအန်ရိုဆယ်လီက ဇန်န၀ါရီလ ၂၈ ရက် တွင် ထုတ်ဖော် ပြောကြားခဲ့သည်။ ရဲအရာရှိများက မူးယစ်ဆေးဝါး မှောင်ခိုရောင်းဝယ်သူများကဲ့သို့ တရားခံ များကို စစ်မေး ရာတွင် ခြိမ်းခြောက်ခြင်း၊ အမှုကွင်းဆက်များ ဆက်လိုက်နိုင်ရန် အချစ်အလက်များ အစ်အောက် မေးမြန်း၍ နှိပ်စက်ခြင်းတို့တွင် ယင်းကံစက်ဝိုင်းကို အသုံးချနေကြကြောင်း အပြည်ပြည်ဆိုင်ရာ လွတ်ငြိမ်း ချမ်းသာခွင့် လူ့အခွင့်အရေး အဖွဲ့ကဆိုသည်။ စက်ဝိုင်းပေါ်တွင် အရုပ်ပုံစံ အမျိုးမျိုးကို ရေးဆွဲထားပြီး ကံစက်ဝိုင်း လှည့်ရာတွင် ဖိလစ်ပိုင်လက်ဝှေ့အကျော်အမော် ပက်ကွိုင်အိုရုပ်တွင် စက်ဝိုင်းရပ်တန့်သွားပါက တရားခံကို ထိုးကြိတ်နှိပ်စက်လေ့ရှိပြီး လင်းနို့ရုပ်တွင် ရပ်တန့်သွားပါက တရားခံကို လင်းနို့ကဲ့သို့ ကြိုးဖြင့် ပြောင်းပြန် ချိတ်ဆွဲကာ နှိပ်စက်လေ့ရှိကြောင်း လူ့အခွင့်အရေးအဖွဲ့ များ၏ ပြောကြားချက်များအရ သိရသည်။

ယင်းကံစက်ဝိုင်းကို လှည့်၍ တရားခံများကို နှိပ်စက်ရာတွင် ပါဝင်ခဲ့သည့် ရဲအရာရှိများကို ဖမ်းဆီးစစ်ဆေးလျက် ရှိပြီး တရားဥပဒေနှင့်အညီ အရေးယူသွားရန် စတင်ဆောင်ရွက်နေကြပြီ ဖြစ်ကြောင်း ဖိလစ်ပိုင် အစိုးရအဖွဲ့က ထုတ်ဖော်ပြောကြားခဲ့သည်။

(Fox News,28.1.14) သံသာ

ပြည်မြန်မာဂျာနယ်မှ