ရခိုင်တိုင်းရင်းသားများ တိုးတက်ရေးပါတီ အထွေထွေ အတွင်းရေးမှူး ဦးလှစောမှ ရခိုင်အခြေအနေကို နိုင်ငံတကာ က လာရောက် စုံစမ်းတာကို ကြိုဆိုကြောင်းပြော

KNG

 မြန်မာနိုင်ငံကို ရောက်နေတဲ့ တူရကီ နိုင်ငံခြားရေး ဝန်ကြီး မစ္စတာ Ahmet Davutoglu ဟာ သမ္မတ ဦးသိန်းစိန်ကို ဒီကနေ့ မနက် ပိုင်းက နေပြည်တော် သမ္မတ အိမ်တော်မှာ သွားရော က် တွေ့ဆုံခဲ့ပါတယ်။ ဒီတွေ့ဆုံပွဲမှာ နှစ်နိုင်ငံ ဆက်ဆံရေး၊ စီးပွားရေးနဲ့ ရခိုင်ပြည်နယ်မှာ ဖြစ်ခဲ့တဲ့ လူမျိုးရေး ပဋိပက္ခတွေကို အဓိက ထား ဆွေးနွေးခဲ့ကြတယ်လို့ မြန်မာနိုင်ငံ သမ္မတရုံးက သတင်း ထုတ်ပြန် ပါတယ်။

တူရကီ နိုင်ငံခြားရေးဝန်ကြီးရဲ့ အခုခရီးစဉ်ဟာ အစ္စလာမ် ဘာသာဝင် နိုင်ငံ ၅၇ နိုင်ငံနဲ့ ဖွဲ့စည်းထားတဲ့ OIC အဖွဲ့ကိုယ်စား လာ ရောက်တဲ့ ခရီးစဉ်ဖြစ်ပါတယ်။

ရခိုင်ပြည်နယ်က အသိုင်းအ၀ိုင်း နှစ်ခုကြား ဖြစ်ခဲ့တဲ့ ပဋိပက္ခ အခြေအနေတွေကို တူရကီ နိုင်ငံခြားရေး ၀န်ကြီးကိုယ်တိုင် အခုလို လာရောက် စုံစမ်း လေ့လာတာဟာ အရေးကြီးပြီး နိုင်ငံတကာ အသိုင်းအ၀ိုင်းကို မှန်မှန်ကန်ကန် တင်ပြ နိုင်လိမ့်မယ်လို့ မျှော်လင့်ကြောင်း မြန်မာ မူဆလင်လူငယ်များ အဖွဲ့ချုပ် ဥက္ကဋ္ဌ ဦးမြင့်ထွန်းက ပြောပါတယ်။
"ကျွန်တော်တို့ကတော့ အကောင်းဘက်ကပဲ မြင်ပါတယ်ခင်ဗျ။ နိုင်ငံခြားရေးဝန်ကြီး ကိုယ်တိုင်က လာမယ်ဆိုရင် သူတို့မျက်မြင် အခြေအနေကို ထိတွေ့ပြီး ခံစားပြီးတော့ ဆုံးဖြတ်ပြီးတော့ နိုင်ငံတော်ကို တုံ့ပြန်ပြီး ပြောပြတာ ပိုပြီးတော့ ကျွန်တော့် အနေနဲ့ ပိုကောင်းမယ်လို့ ထင်ပါတယ်ခင်ဗျ"
အလားတူ ရခိုင်တိုင်းရင်းသားများ တိုးတက်ရေးပါတီ အထွေထွေ အတွင်းရေးမှူး ဦးလှစောကလည်း ရခိုင်ပြည်နယ်က အခြေအနေတွေကို နိုင်ငံတကာ အသိုင်းအ၀ိုင်းက အခုလို ကိုယ်တိုင်ကိုယ်ကျ လာရောက် စုံစမ်းတာကို ကြိုဆိုကြောင်း ပြောပါတယ်။
"ကျွန်တော်တို့က လာကြည့်တာ ဘယ်သူမဆို လာကြည့်စေချင်တယ်။ ကျွန်တော်တို့က အဲဒီ မူဆလင် comunity လည်း တွေ့စေချင်သလို ရခိုင် comunity က တကယ့် ရခိုင်နိုင်ငံရေး အဖွဲ့အစည်းတွေနဲ့လည်း တွေ့စေချင်တယ်။ အဲဒီအခါမှ တကဲ့ Reality ကို မျှမျှတတ သိနိုင်အောင် ကြိုးစားဖို့လိုပါတယ်။ ဘာလို့လည်းဆို အခုဟာက နိုင်ငံတကာ မီဒီယာလောကမှာ ကကျတော့ တော်တော့်ကို တစ်ဖက်စောင်းနင်း ဖြစ်နေတဲ့ အတွက်ကြောင့်ပါ။ အဲတော့ ကျွန်တော်ကတော့ ရခိုင်ကို ဘယ်သူပဲလာလာ လာတယ်ဆိုရင် ကောင်းပါတယ်။ ကြိုဆိုပါတယ်"
တူရကီ နိုင်ငံခြားရေး ဝန်ကြီးဟာ မနက်ဖြန်မှာ ရခိုင်ပြည်နယ်ကို သွားရောက်မှာဖြစ်ပြီး ဒီခရီးစဉ်အတွင်း ရခိုင်ပြည်နယ်က ပဋိပက္ခ ဖြစ်စဉ်တွေနဲ့ ပတ်သက်လို့ အဖြစ်မှန်တွေကို ကိုယ်တိုင် ကိုယ်ကျ လေ့လာမယ်လို့ သိရပါတယ်။ နိုင်ငံခြားရေးဝန်ကြီးနဲ့ အတူ တူရကီ ၀န်ကြီးချုပ်ကတော်နဲ့ သမီးဖြစ်သူတို့လည်း လိုက်ပါလာပါတယ်။
ဒါအပြင် တူရကီ နိုင်ငံခြားရေးဝန်ကြီး ဦးဆောင်တဲ့ ကိုယ်စားလှယ်အဖွဲ့ရဲ့ မြန်မာနိုင်ငံခရီးစဉ်ဟာ နှစ်နိုင်ငံကြား ပထမဆုံးအကြိမ် အဆင့်မြင့်ဆုံး သံတမန်အဖွဲ့ ခရီးစဉ်လည်း ဖြစ်ပါတယ်။ ဒီခရီးစဉ်က ရရှိတဲ့ အချက်အလက်တွေကို လာမယ့် OIC အစည်းအဝေးမှာ အဖွဲ့ဝင် နိုင်ငံတွေကို ပြန်လည်တင်ပြမယ်လို့ သိရပါတယ်။(ဓတ်ပုံမြန်မာနိုင်ငံ သမ္မတရုံး)