မလေးရှား လူမှောင်ခို သင်္ဘောသို့ လူတင်ပို့ရန်သွားသည့် စက်လှေနစ်၍ လူ ၁၀ ဦးပျောက်ဆုံး

ဘင်္ဂလာဒေခ်ျ့ နိုင်ငံ နတ်မြစ်ဝရှိ စိန်မာတင်ကျွန်းမှ ပင်လယ်ထဲတွင် ရပ်နားထားသော လူမှောင်ခို သင်္ဘောပေါ်သို့  လူတင်ပို့ရန် သွာသည့် စက်လှေနစ်မြုပ်သွားသဖြင့် လူ ၁၀ နီးပါး ပျောက်ဆုံး နေသည်ဟု သိရသည်။ နိုဝင်္ဘာလ ၂၁ ရက်နေ့ (ယနေ့) နံနက်ပိုင်းက လူပေါင်း ၄၀ ကို စိန်မာတင်ကျွန်းမှ တင်ဆောင်လာသော အဆိုပါ စက်လှေသည် ကျွန်းအလွန်တွင် ရုတ်တရက် နစ်မြုပ်သွားရာ လူပေါင်း ၃၀ မှာ ရေကူး၍ ကမ်းသို့ ရောက်ရှိလာသော်လည်း နောက်ထပ် ၁၀ ဦးမှာ ပျောက်ဆုံးနေသည်ဟု ဆိုသည်။
ရှင်မဖြူကျွန်းမှ မြန်မာနိုင်ငံသား မွတ်ဆလင် တစ်ဦးကို မေးကြည့်ရာ သူက ယခုလို ပြောသည်။
“ ဒီကနေ့ နံနက် စောစောက စိန်မာတင်ကျွန်းက ပင်လယ်ထဲကို အသွားမှာ နစ်သွားတာ ဖြစ်ပါတယ်။
လူပေါင်း ၄၀ မှာ ၁၀ ဦးပျောက်ဆုံးနေပါတယ်။ ပင်လယ်ထဲမှာ ရပ်ထားတဲ့ သင်္ဘော ပေါ်ကို လူတွေ သွားတင်တာမှာ နစ်တာ ဖြစ်ပါတယ်” ဟု ဆိုသည်။ လူမှောင်ခို သင်္ဘောမှာ ထိုင်းနိုင်ငံမှ ဖြစ်ပြီး ဘင်္ဂလာဒေခ်ျ့မှ မလေးရှားသွားလိုသူများကို အခကြေးငွေ ယူဆောင်ပြီး ပို့ဆောင်ပေးနေသည်ဟု သိရသည်။
“ ပျောက်ဆုံးနေသူတွေထဲမှာ ဘင်္ဂလာဒေခ်ျ့က လူတွေလည်း ပါတယ်။ မြန်မာနိုင်ငံသားတွေလည်း ပါတယ်။ လူပေါင်းစုံ ပါဝင်ပါတယ်။ သင်္ဘောပေါ်မှာ လူပေါင်း ၇၀၀ ခန့်ပါတယ်လို့ ကြားပါတယ်။
 ဒီကနေ ထိုင်းကို သွားမယ်။ ထိုင်းကနေ မလေးကို ဆက်ပို့မယ်လို့ သိရပါတယ်” ဟု သူက ဆက်ပြောသည်။
ဘင်္ဂလာဒေခ်ျ့ နိုင်ငံ ရုပ်သံ ဌာန တစ်ခုမှ ထုတ်လွှင့်သော သတင်းတစ်ခုတွင် ဘင်္ဂလာဒေခ်ျ့မှ  မလေးသို့ သွားနေသည့် လူမှောင်ခိုလမ်းကြောင်းကို မြေပုံများနှင့် တကွ ဖေါ်ပြရာတွင် ဘင်္ဂလာဒေခ်ျ့မှ တဆင့် ရန်ကုန်သို့ သင်္ဘောဖြင့် ပို့ဆောင်ပြီး ရန်ကုန်မှ တဆင့် ထိုင်းနှင့် မလေးရှားသို့ ပို့ဆောင်သည်ဟု ဖေါ်ပြသည်။
လူတစ်ဦး အနေဖြင့် ခရီးစရိတ်ငွေ တာကာငွေ ၂၀၀၀၀ မှ (၁) သိန်းထိ လူမှောင်ခိုသမားများကို  ပေးရကြောင်း သိရသည်။ ထိုသို့ လူမှောင်ခို တင်ပို့ရာ အထဲတွင် ပါဝင်သူများမှာ ဘင်္ဂလာဒေခ်ျ့နိုင်ငံသား အများစု ဖြစ်ပြီး ၆၀ နှင့် ၆၅ ရာခိုင်နုန်း အကြားပါဝင်သည်ဟု ဘင်္ဂလာဒေခ်ျ့မှ သတင်းဌာနကြီး တစ်ခု ဖြစ်သော UNB ယနေ့တွင် ဖေါ်ပြသည်။

နိရဉ္စရာသတင်းဌာန