ခိုးမှုဖြင့် တရားရင်ဆိုင်နေရပြီး အဓမ္မကျင့်ခံရသည် ဆိုသော ကလေးငယ် လုံခြုံရေးစိုးရိမ်ရ

ကလေးကို ခိုးမှုဖြင့် ပြန်အမှုဖွင့်သော ချယ်ရီ စားသောက် ဆိုင်ပိုင်ရှင် ဇနီး (အလယ်) ကို တရားရုံး အလာ တွေ့ရစဉ် (ဓာတ်ပုံ – စတိဗ် တစ်က်နာ / ဧရာဝတီ)

ရန်ကုန်တိုင်း ဒေသကြီး အရှေ့ပိုင်းခရိုင် တရား ရုံးတွင် ခိုးမှုဖြင့် အမှု ရင်ဆိုင် နေရပြီး အဓမ္မ ပြုကျင့် ခံရသည် ဆိုသော အသက် ၁၅ နှစ် အရွယ် မိန်း ကလေးကို  မတ် ၁၄ ရက်တွင် ပထမဆုံး အကြိမ်  စတင် ရုံးထုတ် စစ်ဆေး ခဲ့သော်လည်း ကလေးငယ်၏ လုံခြုံ ရေးမှာ စိုးရိမ် နေရဆဲ ဖြစ်သည်။

တရား ရင်ဆိုင် နေရသော မိန်း ကလေး ငယ်ကို မြို့နယ် ရဲစခန်း များမှ ရဲများက ခေါ်ယူ စစ်ဆေး မည်ဆိုပြီး မကြာ ခဏ လာရောက် ခေါ်ယူနေသဖြင့် ကလေးအတွက် လုံခြုံရေး စိတ်မချရဘဲ စိုးရိမ်နေ ရသည်ဟု မိန်းကလေး အား ခေါ်ယူ စောင့်ရှောက် ထားသည့် ရှေ့နေများ ကွန်ရက်မှ ရှေ့နေတစ်ဦး က ဧရာဝတီသို့ ပြော သည်။

“ဘယ် ရဲတွေ လာခေါ် စစ်စစ် မထည့်ပေး ရဲဘူး။ ဟို တစ်ခါ ကလည်း ကလေးကို ခိုးမှုနဲ့ ပတ်သက်ပြီး စစ်ဆေး ဖို့ လာခေါ်သွားတယ်။ ဒါပေမယ့် အိမ်ကို ပြန်မပို့ဘူး” ဟု အဆိုပါ ရှေ့နေက ပြောသည်။

ယခင်က ရဲများ က လာရောက် စစ်ဆေး ရာတွင် မိန်းကလေး ငယ်ကို  ပြန်မ ပို့ဘဲ ရန်ကုန်မြို့ နတ်မောက်လမ်း ရှိ အစိုးရ အမျိုး သမီး ကလေး သူငယ် စောင့်ရှောက်ရေး ကျောင်းသို့ ပို့ဆောင် လိုက်သည့် အတွက် အာမခံဖြင့် ယင်း သင်တန်း ကျောင်းမှ ပြန်လည် ထုတ်ယူ လာခဲ့ရ ကြောင်း၊ ထို့ကြောင့် ရဲများ လာရောက် စစ်ဆေးမည် ဆိုတိုင်း ရဲ လက်ထဲသို့ မိန်း ကလေး ငယ်ကို မအပ် နိုင်တော့ကြောင်း၊ မကြာသေးမီကလည်း စစ်ဆေး မေးမြန်းရန် ရှိသည်ဟုဆိုကာ သာကေတ ရဲစခန်းမှ ရဲတပ်ဖွဲ့ဝင်များက ရောက်ရှိလာပြီး ခေါ်ဆောင်မှုများ ပြုလုပ် ကြောင်း သိရသည်။

 ကလေးကို ခေါ်ယူ စစ်ဆေး မှုနှင့် ပတ်သက်ပြီး သာကေတ မြို့နယ် ရဲစခန်းမှ ရဲမှူး ဦးကျော်ဝင်းက “ကျနော်တို့က အထက် အမိန့်ကြောင့် ခေါ်ယူစစ်ဆေးတာ။ နေပြည်တော် ညွှန်ကြားစာအရ လာတာ ပါ။ နှစ်ဘက်ကို မေးဖို့ ဖြစ်စဉ်ကို မေးဖို့ ကလေးကို ခေါ်ယူစစ်ဆေးတာပါ” ဟု ဧရာဝတီသို့ ပြောသည်။
စစ်ဆေးပြီး ပါကလည်း အိမ်တိုင်ရာရောက် ပြန်ပို့ပေးမည်ဖြစ်ကြောင်း၊ အစစ်ဆေးမခံပါကလည်း တာဝန် ရှိသူ များထံ သို့ အစစ်ဆေး မခံကြောင်း ပြန်လည် အစီရင် ခံရကြောင်း ရဲမှူး ဦးကျော်ဝင်းက ဆိုသည်။

ရဲတပ်ဖွဲ့ဝင် များက မကြာခဏ ဆိုသလို လာရောက် ခေါ်ယူ စစ်ဆေး မှုကြောင့် ကလေး ငယ်သည် မိဘ များနှင့် အတူ မနေထိုင် တော့ကြောင်း၊  ကလေး မိဘများ မှာလည်း လာရောက် စစ်ဆေးမှုများ ရှိနေ သဖြင့် ကြောက်ရွံ့ပြီး တိမ်းရှောင် နေရကြောင်း  တရားရင်ဆိုင်နေရသော မိန်းကလေး ငယ် ကို စောင့်ရှောက် ပေးနေသော အမျိုးသား ဒီမို ကရေစီ အဖွဲ့ချုပ် ကလေး သူငယ် ကူညီ စောင့်ရှောက်ရေး အဖွဲ့မှ  ဒေါ်လေးလေးက ဧရာဝတီသို့ ပြောသည်။

“ကျမတို့ကို လည်း အဖွဲ့ အစည်း တွေက လာရောက် စစ်ဆေး ပါတယ်။ ရဲစခန်း တွေက လည်း စစ်ဆေးမှုတွေ ခဏခဏ ပါပဲ။ လာစစ်တဲ့ အဖွဲ့တွေလည်း ဘယ်ကမှန်းကို မသိဘူး” ဟု ကလေးကို မုဒိမ်းပြုကျင့်သည်ဟု စွပ်စွဲခံနေရသော ချယ်ရီစားသောက်ဆိုင်ပိုင်ရှင် ဦးမြင့်အောင်၏ ဇနီးကလည်း ဧရာဝတီသို့ပြောသည်။

အရွယ်မရောက်သေးသည့် မိန်းကလေးကို အဓမ္မပြုကျင့်သည်ဟုဆိုကာ ချယ်ရီစားသောက်ဆိုင်ပိုင်ရှင် ဦးမြင့်အောင်မှုကို မုဒိမ်းမှုဖြင့် အမှုဖွင့်ထားစဉ် ကလေးငယ်ကို ဦးမြင့်အောင်၏ ဇနီးက ကျပ် ၃ သိန်းတန် လက်ပတ်နာရီနှင့် ပိုက်ဆံ ကျပ် ၂ သောင်း ခိုးယူခဲ့သည်ဟု ရန်ကုန် မြောက်ဥက္ကလာပ ရဲစခန်းသို့ တိုင်ကြား ခဲ့ပြီး ခိုး မှုဖြင့် ပြန်လည်အမှုဖွင့်ခဲ့သည်။

ရန်ကုန်တိုင်း အရှေ့ပိုင်းခရိုင်တရားရုံးတွင် ယမန်နေ့က ပြုလုပ်သည့် တရားရုံးတင် စစ်ဆေးမှုတွင်  တရား လိုဖြစ်သော အရွယ်မရောက်သေးသည့် ကလေးငယ်ကို တံခါးပိတ် ရုံးတင် စစ်ဆေးမှုများ ပြုလုပ်ခဲ့သည်။

ကုလ သမဂ္ဂ ကလေး သူငယ် အခွင့် အရေး များ ဆိုင်ရာ သဘောတူစာချုပ်တွင် မြန်မာနိုင်ငံက  ၁၉၉၉ ခုနှစ် လက် မှတ် ရေးထိုးခဲ့ပြီး စာချုပ်တွင် အချက်ပေါင်း ၅၄ ချက် ပါဝင်ကာ  အချက် ၄၀ အထိ ကလေး အခွင့် အရေးကို ဖော်ပြထားကြောင်း၊ ကလေးသူငယ်၏ အသက် အပိုင်းအခြားကို နိုင်ငံတကာတွင် ၁၈ နှစ် အရွယ် အထိ သတ်မှတ် ထားပြီး မြန်မာနိုင်ငံတွင်မူ အသက် ၁၆ နှစ်အထိသာ ကလေးအဖြစ် သတ်မှတ်၍ အသက် ၁၆ နှစ်မှ ၁၈ နှစ်ကို လူငယ်ဟု သတ်မှတ်ထားသည်။

ဧရာဝတီ