Time in Rangoon 
ပို့ဆောင်ရေး ၀န်ကြီး ဌာနမှ တာဝန်ရှိသူ တစ်ဦးရဲ့ ပြောပြချက် အရ ရန်ကုန် အပြည်ပြည် ဆိုင်ရာ လေဆိပ်မှာ လက်ခံနိုင်တဲ့ ခရီးသည် ပမာဏဟာ ယခုနှစ်ကုန်မှာ ပိုမိုများပြား လာမှာ ဖြစ်တယ်လို့ သိရပါတယ်။ လက်ရှိမှာ ရန်ကုန် အပြည်ပြည် ဆိုင်ရာ လေဆိပ်ဟာ ခရီးသည် လက်ခံနိုင်မှု အနေနဲ့ ၂.၇ သန်း ၀င်ဆံ့တဲ့ အပြည်ပြည် ဆိုင်ရာ လေဆိပ် တစ်ခု ဖြစ်ပါတယ်။ အဲ့ဒီ လေဆိပ်ကို ၂၀၀၇ ခုနှစ် မေလ ၂၅ ရက်နေ့က တည်ဆောက် ခဲ့တာ ဖြစ်ပါတယ်။
ရန်ကုန် အပြည်ပြည် ဆိုင်ရာ လေဆိပ်မှာ ပြည်တွင်း ခရီးသည်များ တိုးတက် ၀င်ရောက်လာမှုဟာ ၂၀၀၇ ခုနှစ်ကနေ ၂၀၁၁ ခုနှစ်အထိ ၅ နှစ်တာ ကာလအတွင်း ခရီးသွား ၂၃ ရာခိုင်နှုန်း တိုးတက် လာခဲ့ပါတယ်။ အဆိုပါ တာဝန်ရှိသူရဲ့ ပြောပြချက် အရ ရန်ကုန် အပြည်ပြည် ဆိုင်ရာ လေဆိပ်ဟာ ယခုအတိုင်း ခရီးသည် ၀င်ရောက်မှု ဆက်လက် တိုးတက် လာမယ် ဆိုပါက ယခုနှစ်ကုန်မှာ လေဆိပ် လက်ခံနိုင်တဲ့ ခရီးသည် ပမာဏထက် ကျော်လွန် သွားမှာ ဖြစ်တယ်လို့ သိရပါတယ်။
မြန်မာနိုင်ငံရဲ့ ပြောင်းလဲလာမှုတွေ အရ ပြည်ပ ခရီးသွားများ ၀င်ရောက်လာမှု ကလည်း ပိုမို များပြား လာပြီး လာမယ့် ၂၀၁၃ ခုနှစ် မှာလည်း အိမ်ရှင် အဖြစ် လက်ခံ ကျင်းပမယ့် အရှေ့တောင် အာရှ ဆီးဂိမ်း ပြိုင်ပွဲနဲ့ ၂၀၁၄ ခုနှစ်မှာ မြန်မာနိုင်ငံက အာဆီယံနိုင်ငံ အလှည့်ကျ ဥက္ကဋ္ဌ အဖြစ် တာဝန်ယူ ဆောင်ရွက်မယ့် အစီအစဉ်တွေကြောင့် ပြည်ပ ခရီးသွားများ ၀င်ရောက်မှု တွေဟာ ပိုမိုများပြား လာမှာ ဖြစ်တယ်လို့ သိရပါတယ်။ ဒီလို ရန်ကုန် အပြည်ပြည် ဆိုင်ရာ လေဆိပ်ကို ၀င်ရောက် လာတဲ့ ပြည်တွင်း၊ ပြည်ပ ခရီးသည် အရေအတွက်ဟာ နှစ်ကုန်မှာ သတ်မှတ်ပမာဏ ထက်ကျော်လွန် သွားနိုင် တာကြောင့် ပဲခူးတိုင်းေ ဒသကြီး ပဲခူးမြို့မှ ၂ မိုင်ခန့် ကွာဝေးတဲ့ နေရာမှာ ဟံသာဝတီ လေဆိပ် စီမံကိန်းကို ဆောင်ရွက် လျက်ရှိတယ်လို့ သိရပါတယ်။
အဆိုပါ လေဆိပ် စီမံကိန်းဟာ ရန်ကုန်မြို့မှ ၄၈ မိုင်အကွာမှာ တည်ရှိပြီး စီမံကိန်း လျာထားမြေ ၉၇၄၂ ဧက ကျယ်ဝန်းပြီး ပင်လယ် ရေမျက်နှာပြင် အထက် ၁၃၅.၇၇ ပေရှိတဲ့ တည်ဆောက်ဆဲ လေဆိပ် စီမံကိန်း တစ်ခု ဖြစ်ပါတယ်။ ယခုလက်ရှိ မြန်မာနိုင်ငံမှာ အပြည်ပြည်ဆိုင်ရာ လေဆိပ်များ တည်ဆောက် ထားမှုဟာ ၂၀၀၀ ပြည့်နှစ် စက်တင်ဘာလမှာ ခရီးသည် ၃ သန်းဆံ့တဲ့ မန္တလေး အပြည်ပြည် ဆိုင်ရာ လေဆိပ်၊ ၂၀၁၁ ခုနှစ် ဒီဇင်ဘာလမှာ ခရီးသည် ၃.၅ သန်း ၀င်ဆံ့တဲ့ နေပြည်တော် အပြည်ပြည် ဆိုင်ရာ လေဆိပ်ကို တည်ဆောက် ပေးထားပြီး ယခု လက်ရှိ တည်ဆောက် နေတဲ့ ဟံသာဝတီ အပြည်ပြည် ဆိုင်ရာ လေဆိပ် ကတော့ မြန်မာနိုင်ငံမှာ နောက်ထပ် အသစ် ထွက်ပေါ် လာမယ့် အပြည်ပြည် ဆိုင်ရာ လေဆိပ် တစ်ခု ဖြစ်ကြောင်း သိရပါတယ်။
0 comments:
Post a Comment