Thursday, November 29, 2012

ဘုန်းကြီးတွေ ရှေ့က၊ ရွာသားတွေ အလယ်က၊ အဖွဲ့အစည်းတွေ နောက်ဆုံးကဖြင့် ပြီးဆုံးသွားသည့် လက်ပံတောင်း

Posted by drmyochit Thursday, November 29, 2012, under | No comments


မြင်လို့မကောင်း၊ ရှုလို့မကောင်း လက်ပံတောင်း အရေးလို့ ဆိုရမတတ် ဘုန်းကြီးနှင့် ဒကာမ၊ ဘုန်းကြီးနှင့် ဆူပူသူများ တုံးလုံးပက်လတ် စုစည်းနေကြသည်မှာ ဘယ်လိုမှ အဆင်မပြေ။ သပိတ်စုံလျှင်  အကုန်ရ မည်ဆိုပြီး ဘုန်းကြီးတွေက ကြွေးကြော်ကြ။ ၀မ်ပေါင် ဂိတ်တံခါးရှေ့မှာ ပိတ်ပြီး အိပ်ကြ။ တရားဥပဒေကို သင်္ဃန်းခြုံ၍ ဖောက်ဖျက်ကြသည်။ နေ့လည်မှာ စားကြသောက်ကြ ညမှာ အေးဆေးအိပ်စက်ပြီး မလုပ် သင့်သည့် အလုပ်များကို လုပ်ခဲ့ကြသည်။
ပြည်ထဲရေးဝန်ကြီးဌာနမှ သပိတ်စခန်းများအား နိုဝင်ဘာလ ၂၇ ရက်နေ့ည ၁၂ နာရီနောက်ဆုံးထားပြီး ရုပ်သိမ်းရန် ကြေညာထား သော် လည်း နိုဝင်ဘာ လ ၂၈ ရက် နေ့ အထိ ရုပ်သိမ်းခြင်း မရှိသဖြင့် ထပ်မံ၍ နိုဝင်ဘာလ ၂၈ရက်နေ့ ည ၁၂နာရီတွင် လူစုမခွဲပါက ရဲလုပ်ထုံးလုပ်နည်း ဥပဒေများနှင့်အညီ အရေးယူ ဆောင်ရွက် သွားမည်ဖြစ်ကြောင်း တာဝန်ကျ ရဲတပ်ဖွဲ့ဝင်များက အကြိမ်ကြိမ် ပြောကြား ခဲ့ပါ သည်။ နောက်ဆုံးတော့ တာဝန်ရှိသူက တာဝန်ရှိတဲ့ အတိုင်းလုပ်တော့ လက်ပံတောင်ကိစ္စ တစ်ခန်းရပ်ပေ အုံးမည်။ နိုဝင်ဘာလ ၂၉ရက်နေ့ နံနက် ၃ နာရီတွင် လက်ပံတောင်းတောင် ကြေးနီစီမံကိန်း ပုဒ်မ ၁၄၄ ထုတ်ပြန် ထားသည့် ဧရိယာတွင် စုဝေးနေသည့် သံဃာတော်များနှင့် ဒေသခံများအား၊ မျက်ရည်ယိုဗုံးများ ၊မီးသတ်ပိုက်များ အသုံးပြုပြီး ဖယ်ရှားခဲ့ရသည်။ နောက်ဆုံးတွင်တော့ သပိတ် စခန်းများ ကို မြန်မာနိုင်ငံ ရဲ တပ်ဖွဲ့ က လုံခြုံရေး ယူထားလိုက်ပြီ ဖြစ်သည်။
 အပျော့ပျောင်း အညင်သာဆုံး အဓိကရုဏ်း နှိမ်နှင်းမှုပင် ဖြစ်သည်။ နိုင်ငံတကာတွင်မူ ထိုသို့သော ဆူပူ မျိုးဖြစ်လာပါက ရိုက်ရ၊နှက်ရ၊သတ်ဖြတ်ရ ဖြင့် အင်မတန် အကျည်းတန်လှသည်။ ထိုင်းနိုင်ငံတွင် ဘယ်အချိန် ဆန္ဒပြပြ လူမသေသည့် ထုံးစံ မရှိသလောက် သေကြသည်။ ထိုင်း သပိတ်ခေါင်းဆောင်များက ယုံကြည် ချက်ဖြင့် ဆန္ဒပြကြသည်။ မြန်မာ သပိတ်ခေါင်းဆောင် ဆူပူသူ များက ငွေကြေးအတွက်၊ နာမည် အတွက်၊ လုပ်ပိုင်ခွင့်အတွက် နောက်မှ နေ၍ ဆန္ဒပြကြသည်။ သံဃာ၊ ပြည်သူ ရှေ့တန်း တင်ကြ သည်။ နှိမ်နှင်း သည့်အခါတွင်တော့ ထိခိုက်သူ သပိတ်ခေါင်းဆောင်များ မရှိ။ ၈၈၊ ၂၀၀၇ စက်တင်ဘာ အရေးအခင်းများတွင်လည်း ဘယ်ခေါင်းဆောင်မှ ခြစ်ရာ တစ်စက်မရှိ။ ထောင်ကျသော်လည်း နိုင်ငံေ၇း အကျဉ်းသားမို့ ထောင်ထဲတွင် ပန်းချီဆွဲ၊ကာတွန်းဆွဲ၊ စာဖတ်၊ ရောဂါပြပြီး ဆုတံဆိပ်တွေ ရယုံ သာ ဖြစ် သည်။ ယခု ပွဲပြီးလေပြီ။

0 comments:

Post a Comment

Tags

Labels

နောက်ဆုံးရ သတင်းများ

Blog Archive

Blog Archive

ဆက်သွယ်ပေးပို့ရန်

drmyochit72@gmail.com သို့ ဆက်သွယ်ပေးပို့နိုင်ပါသည်

ရှာဖွေရန်