Monday, February 04, 2013

လူဦးရေ ၆ ဒသမ ၉ သန်း နေထိုင်နိုင်သည့် မြေနေရာ တိုးချဲ့မည့် စီမံကိန်း စင်ကာပူ အစိုးရ ရေးဆွဲ လျက်ရှိ

Posted by drmyochit Monday, February 04, 2013, under | No comments

 
စင်ကာပူ ဖေဖော်ဝါရီ ၂

စင်ကာပူ နိုင်ငံ၌ ၂ဝ၃ဝ ပြည့်နှစ် အရောက်တွင် လူဦးရေ ၆ ဒသမ ၉ သန်း နေထိုင်နိုင်ရန် အတွက် မြေနေရာ များတိုးချဲ့မည့် စီမံကိန်းကို အစိုးရက ရေးဆွဲလျက် ရှိသည်ဟု မြေယာ အသုံးချမှု စီမံ ကိန်း ဌာနက ပြောကြားခဲ့ကြောင်း သိရသည်။
 
ယခုအခါ စင်ကာပူ နိုင်ငံ၏ အကျယ်အဝန်းမှာ ၇၁၄ဝဝ ဟတ်တာခန့် ရှိရာမှ ၇၆၆ဝဝ ဟတ်တာ အထိ ရှစ်ရာခိုင်နှုန်း တိုးချဲ့ သွားမည်ဖြစ်ကြောင်း သိရသည်။

၂ဝ၃ဝ ပြည့်နှစ် အရောက်တွင် နိုင်ငံအတွင်း အိမ်ရာအသစ် စုစုပေါင်း ၇ဝဝဝဝဝ ခန့်ကို တိုးချဲ့ တည်ဆောက်၍ ရထားလမ်းများ ကိုလည်း နှစ်ဆ ခန့်ချဲ့ ထွင်သွားပြီး ဂေါက်ကွင်း များနှင့် လေ့ကျင့်ရေး ကွင်းများကို ပြန်လည် ပြင်ဆင်သွားမည် ဖြစ်ကြောင်း အစိုးရ က ပြောကြား ခဲ့သည်။

မြေနေရာ တိုးချဲ့မည့် အစီအစဉ်တွင် မရီနာ အရှေ့ပိုင်း၊ ချန်ဂျီ အရှေ့ပိုင်းနှင့် ပါဆာရစ် ဒေသများ အပါ အဝင် နိုင်ငံအရှေ့ မြောက်ပိုင်း ကမ်းလွန် ဒေသရှိ တီကောင်းကျွန်းနှင့် အနောက် တောင်ပိုင်းရှိ တက်ရှ် ကျွန်းများ ပါဝင်မည်ဖြစ်ကြောင်း သိရသည်။
 


မြ၀တီ

0 comments:

Post a Comment

Tags

Labels

နောက်ဆုံးရ သတင်းများ

Blog Archive

Blog Archive

ဆက်သွယ်ပေးပို့ရန်

drmyochit72@gmail.com သို့ ဆက်သွယ်ပေးပို့နိုင်ပါသည်

ရှာဖွေရန်