ခမရ ၅၅ တပ်ရင်းမှ ပီးချောင်းမြစ်အတွင်း အခွန်အကောက်များ အတင်းအဓမ္မကောက်ခံ

ရခိုင်ပြည် ကျောက်တော်မြို့နယ် ၄ မိုင်အကွာတွင်ရှိသော ပီချောင်းမြစ်ကမ်းဘေးရှိ ကျေးရွာ(၃)ရွာကြား၌ တာဝန် ကျနေသည့် စစ်တပ် ခမရ (၅၅) တပ်ရင်းမှ ၄င်းမြစ်အတွင်းတွင်သွားလာနေသော ခရီသည်များအား အကောက် အခွန်များကို တိုးမြှင့်သတ်မှတ်လိုက်ပြီး အခြားလိုအပ်သော ပစ္စည်းများကို အဓမ္မကောက် ခံနေကြကြောင်း ဒေသခံများ သတင်းပေးပို့ချက်အရသိရသည်။

အဆိုပါ ခမရ (၅၅) တပ်ရင်းသည် ပီချောင်းမြစ်ကမ်းဘေးတွင်တည်ရှိနေသော ရှင်ကြမ်းကျေးရွာ(ရခိုင်)၊ ပီတန်းကျေးရွာ (ကုလား)နှင့် အုန်းပတီကျေးရွာ(ကုလား) စသည့်ကျေးရွာ များကြားတွင် စခန်းချနေထိုင် လျှက်ရှိပြီး ၄င်းကျေး ရွာများရှေ့မှ ဖြတ်သန်းသွားလာနေသော အသေးစားစီးပွားရေး လုပ်ကိုင် 

နေကြသော ဒေသ ခံများ၏ ခရီးသည်လှေ၊ ထင်းလှေ၊ သံဗန်၊ ဝါးဖောင် စသည်တို့ထံမှ အခွန်များကို အလွန်အကျွံကောက်ခံကာ မပေးမနေရ စနစ်ဖြင့် အတင်းအဓမ္မ ကောက်ခံလျှက်ရှိကြောင်း သိရှိရသည်။

ကုလားတန်မြစ်အတွင်း ရေတပ်မှ ဖြတ်သန်းသွားလာနေသည့် စက်လှများအား အခွန်ကောက်နေစဉ်

ထို့ကိစ္စနှင့်ပတ်သက်၍ ခမရ ၅၅ စစ်တပ်ရင်း၏ လုပ်ရပ်ကို မခံနိုင်သည်ဟုဆိုကာ ယင်းမြစ် အတွင်းတွင် သွားလာနေသော ကျောက်တော်မြို့မှ စက်လှေပိုင်ရှင်တစ်ဦးက အာရ်ကန်တိုင်းမ်စ်အား ယခုလိုပြောသည်။

" အဲဒီစခန်းတွေချထားတဲ့ ကျေးရွာတွေရှေ့က လူစီးလှေတွေ၊ ထင်းလှေတွေ၊ ဝါးဖောင်တွေ၊ လူစီးလိုင်း ဘုတ်တွေ စသဖြင့်ပေ့ါ သွားကြပါတယ်။ ဆိုတော့ ပထမဆုံး အုန်းမတီကျေးရွာနားရှိတဲ့ စခန်းက တာဝန် ကျနေကြ တဲ့ စစ်သားတွေက စတောင်းပါတယ်။ ဘာတောင်းလဲဆိုတော့ ဝါးဖောင်လာရင် ဝါးတွေတောင်း ပါတယ်။ ထင်းလှေလာရင် ထင်းတွေကိုတောင်းပါတယ်။ စက်လှေတွေလာရင် ဆန်တို့၊ စားအုံး ဆီတို့၊ နောက်ဆုံး အိုးတွေခွက်တွေကပါမကျန် အကုန်လုံး သူတို့မှာလိုအပ်နေတဲ့ ပစ္စည်းတွေ ကို တောင်း ပါတယ်။ နောက်တဖြည်းဖြည်းနဲ့ ရခိုင်ရွာနားမှာရှိတဲ့ စခန်းကပါတောင်းစားလာကြတယ်။ လွန်ခဲ့တဲ့နှစ်ပေါ့ ဒီဇင်ဘာ လ(၃၁) ရက်နေ့ကလည်း အိုးတစ်လုံးနဲ့ စားအုန်းဆီတစ်ပိဿာ တောင်းလိုက်ပါသေးတယ်။ အဲဒီတော့ ခရီသည်တွေမှာ ဟိုကတောင်း၊ ဒီကတောင်းနဲ့ တော်တော်ဒုက္ခရောက်နေကြပါတယ်။ " ဟု ပြောသည်။

အဆိုပါ ပီချောင်းမြစ်အတွင်း မြစ်ကိုအသက်မွေးဝမ်းကျောင်းအဖြစ် အကျိုးပြု လုပ်ကိုင် စားသောက်နေ သူများမှာ ရခိုင် တိုင်းရင်းသား များသာဖြစ်ပြီး ယခုကဲ့သို့ စစ်တပ်က အခွန်အကောက်များကို အလွန် အမင်း သတ်မှတ်ကာ ရရာပစ္စည်းလိုက်တောင်းနေခြင်းသည် ခိုးဝင်လာသော ဘင်္ဂလီများ၏ ရန်ကြောင့် အကျပ် အတည်း များကို ခါးစည်းခံနေသည့် ရခိုင်ပြည်သူများမှာ ပိုပြီးအ ကျပ်အတည်း ကို ဖြစ်စေကြောင်း ဒေသ ခံများက ပြောဆိုကြသည်။

ခမရ (၅၅) တပ်ရင်းသည် မကြာသေးခင်က ဘူးသီးတောင်နယ်မှပြောင်းရွှေ့လာပြီး ၄င်းပီချောင်းမြစ်တွင် ယခင်တာဝန်ကျနေသည့် ၃၇၄ တပ်ရင်းမှာ အစားထိုးတာဝန်ကျခြင်းဖြစ်ပြီး ပြီးခဲ့သည့် ဇန္န၀ါရီလမှစတင်ကာ အခွန်အကောက် များကို တိုးမြင့်ကောက်ခံလျှက် ရရာပစ္စည်းများကို အတင်း အဓမ္မတောင်း ယူနေခြင်း ဖြစ်ကြောင်းကို အဆိုပါ စက်လှေပိုင်ရှင်ပြောပြချက်အရ သိရှိရသည်။

ရခိုင်ပြည်၌ စစ်တပ်များ နေရာအနှံ့အပြားချထားခြင်းကြောင့် လွန်ခဲ့သောနှစ်ပေါင်း များစွာ ကပင် ဒေသခံရခိုင်ပြည်သူများမှာ စစ်တပ်၏ အခွန်များကို အတင်းအဓမ္မကောက်ခံခြင်း၊ လယ်ယာမြေ များအ သိမ်းခံရခြင်း၊ မုဒိန်းကျင့်ခံရခြင်း၊ အတင်းအဓမ္မလုပ်အားစေခိုင်းခြင်း အစရှိသဖြင့် အနိုင်ကျင့်မှုများကို ယနေ့တိုင် ခါးစည်းခံနေကြရဆဲဖြစ်သည်ဟု ရခိုင်လူ့အခွင့်အရေးနှင့် ဖွံ့ဖြိုးတိုးတက်ရေးအဖွဲ့ကပြောသည်။

" ရခိုင်ပြည်နေရာအနှံ့မှာ ချထားတဲ့ စစ်တပ်တွေက ပြည်သူလူထုကို ကာကွယ်ဖို့ထက် အာဏာ ကိုအလွဲ သုံးစား လုပ်ပြီး ပြည်သူလူထုရဲ့ ချွေးနဲ့စာတွေကို အတင်းအဓမ္မ စုပ်ယူနေတာကတော့ အခုမှ မဟုတ်တော့ ပါဘူး၊ ရခိုင်ပြည်မှာ စစ်တပ်တွေ စတင် အခြေစိုက် လာကတည်းက ဖြစ်လာ ခဲ့တဲ့ ဖြစ်ရိုးဖြစ်စဉ် တစ်ခု လို ဖြစ်နေပြီ၊ စစ်တပ်တွေ နေရာအနှံ့ရှိနေတာနဲ့အမျှ လူ့အခွင့်အရေးချိုးဖောက်မှုတွေဟာ စဉ်ဆက်မပြတ် လိုက်လာ တာကို ကျွန်တော်တို့ မှတ်တမ်းတွေအရတွေ့ရပါတယ်။ အခုအကောင်အထည်ဖော်နေတဲ့ ကုလား တန်မြစ်စီမံ ကိန်းပြီးသွားလို့ရှိရင် ကုလားတန်မြစ်တစ်လျှောက်မှာ ဒီထပ်ပိုတဲ့ စစ်တပ်ဂိတ်တွေ ထပ်တိုးချ လာပါဦးမယ်။ အဲဒီအခါကျရင် မြစ်ကြောင်းတစ်လျှောက်မှာ အခုလိုအခွန်တွေ အတင်း အဓမ္မကောက် ခံခြင်းတွေက ဒီထက်ပိုလာပါလိမ့်မယ်။ " ဟု ရခိုင်လူ့အခွင့်အရေးနှင့် ဖွံ့ဖြိုးတိုးတက်ရေးအဖွဲ့မှ အမှုဆောင် ဒါရိုက်တာ ဦးအောင်မင်းဦးက ပြောသည်။

ဒီမိုကရေစီစနစ်ကူးပြောင်းပြီး ဖွံ့ဖြိုးတိုးတက်ရေးလမ်းကြောင်းအပေါ် ဦးတည်နေသည့် ဦးသိန်းစိန် အစိုးရ အဖွဲ့ အနေဖြင့် ယခုကဲ့သို့ မတရားသဖြင့် စစ်တပ်များမှ အခွန်များကို ကောက်ခံနေမှုအပေါ် ထိရောက်စွာ အရေးယူဆောင်ရွက်မှုများပြုလုပ်ရန် လိုအပ်ကြောင်း ၄င်းကဆိုသည်။