Time in Rangoon 
နှစ်နိုင်ငံကြားမှာ ဖြစ်ပွားနေတဲ့ ပြဿနာတွေကို အပြုသဘောနဲ့ ဆွေးနွေးခဲ့တယ်လို့ အစည်းအဝေး တက်ရောက်ခဲ့သူ ရဲတပ်ဖွဲ့ ဦးစီးအရာရှိချုပ် ရဲမှူးချုပ် ဝင်းခေါင်က ပြောပါတယ်။ နှစ်ဖက်အကြားမှာ ငြင်းခုန်မှု မရှိဘူးလို့လည်း သူက ပြောပါတယ်။
နှစ်ဖက် ပစ်ခတ် သေဆုံးမှုတွေ နောင်မှာ မဖြစ်ပွားအောင် နားလည်မှုရှိရှိနဲ့ ပူးပေါင်းဆောင်ရွက်ဖို့လည်း သဘောတူခဲ့ကြတယ်လို့ ဆိုပါတယ်။
ဆွေးနွေးပွဲမှာ နယ်ခြားစောင့်တပ်ဖွဲ့ တပ်မှူးတွေလည်း ပါဝင်တဲ့ အတွက် ပြဿနာကို အောက်ခြေအထိ နားလည်မှု ရအောင် ဆောင်ရွက်နိုင်လိမ့်မယ်လို့လည်း ဆိုပါတယ်။
ပြဿနာတွေ ကြီးကျယ်ရတာဟာ ဘင်္ဂလားဒေ့ရှ် မီဒီယာတွေက လှုံ့ဆော်ရေးသားလို့ ဖြစ်ရတယ်လို့လည်း ရဲမှူးချုပ် ဝင်းခေါင်က အပြစ်တင် ပြောဆိုသွားပါတယ်။
ရိုဟင်ဂျာလက်နက်ကိုင် သူပုန်ကိစ္စ အပါအဝင် ထွက်ပေါ်လာမယ့် ရလဒ်တွေကိုတော့ ဗုဒ္ဓဟူးနေ့ ဆွေးနွေးပွဲ အပြီးမှ တိတိကျကျ သိရမယ်လို့ ဆိုပါတယ်။
နှစ်ဖက် သတင်းဖလှယ်ပြီး ပူးပေါင်းဆောင်ရွက်မှသာ ပြဿနာတွေကို ပြေလည်အောင် ဖြေရှင်းနိုင်မယ် လို့လည်း သူက ဆိုပါတယ်။
BBC Burmese
0 comments:
Post a Comment