Time in Rangoon 
အုပ်စုဖွဲ့ရိုက်နှက်ကာ ဓားဖြင့်ထိုးသဖြင့် အသက်(၂၀) ကျော်အရွယ် လူငယ်တစ်ဦး သေဆုံးခဲ့သည့် ဖြစ်စဉ်တစ်ခု လှိုင်သာယာမြို့နယ်အတွင်း ထပ်မံဖြစ်ပွားခဲ့သည်ဟု လှိုင်သာယာမြို့နယ် ရဲစခန်းမှတာဝန်ကျ ရဲဝန်ထမ်းတစ်ဦးက မဇ္ဈိမကို ပြောသည်။
ပြီးခဲ့သည့် မေလဒုတိယပတ်အတွင်းကလည်း လှိုင်သာယာမြို့နယ်တွင် ဆိုင်ကယ် ကယ်ရီမောင်းနှင်သူများ အုပ်စုဖွဲ့ ရိုက်နှက်မှုကြောင့် အသက်လေးဆယ်ကျော် အမျိုးသားတစ်ဦး သေဆုံးခဲ့သည့် ဖြစ်စဉ်ဖြစ်ပွားပြီး တစ်လခန့်အကြာတွင် ထပ်မံဖြစ်ပွားခြင်းဖြစ်သည်။
ထို့ပြင် အရင်လက ကယ်ရီသမားများ အုပ်စုဖွဲ့ရိုက်နှက်ခံရသည့်သူမှာ (၁၉)ရပ်ကွက်တွင် နေထိုင်သူဖြစ်ပြီး ယခု သေဆုံးသွားသူမှာလည်း (၁၉)ရပ်ကွက်တွင် နေထိုင်သူပင် ဖြစ်သည်။
“အခုဝိုင်းရိုက်တဲ့ ကောင်လေးတွေက အသက်(၁၉)နှစ်၊ (၂၀)နှစ်ဝန်းကျင်ရှိ ကောင်လေးတွေ။ (၁၃)နှစ် ကောင်လေးတစ်ယောက်တောင် ပါသေးတယ်”ဟု ၎င်းက ပြောသည်။
ဖြစ်ပွားပုံမှာ(၁၉)ရပ်ကွက်၊ ဗိုလ်အောင် ကျော်လမ်းဘေးရှိ ရွှေကောင်းကြွယ် လက်ဖက်ရည်ဆိုင်တွင် လက်ဖက်ရည်ထိုင် သောက်နေသည့် ကိုထွန်းနိုင်ဝင်းနှင့် သူငယ်ချင်းနှစ်ဦးသည် ဘေးဝိုင်းမှအမည် မသိလူငယ် ငါးဦးကို “ဒီဘက်ဝိုင်းကစကားပြောတာ အရမ်းကျယ်တယ်။ ရဲစခန်းအကြောင်းကြားပါ”ဟု ဆိုင်ရှင်ထိုင်သည့် ကောင်တာဘက်သို့ လှမ်းပြောရာမှ စတင်ဖြစ်ပွားခဲ့ခြင်းဖြစ်သည်ဟု အထက်ပါ ရဲဝန် ထမ်းက ပြောသည်။
ယင်းသို့ ဆိုင်ရှင်အား လှမ်းအော်ပြီး နောက်ပိုင်းတွင် လူငယ်ငါးဦးသည်အပြင် သို့ထွက်သွားပြီး ၁၀ မိနစ် ခန့်အကြာတွင် ပြန်လည်ရောက်ရှိလာကာ ဆိုင်ရှင်ကို လှမ်းပြောသည့် ကိုထွန်းနိုင်ဝင်းနှင့် ကိုဇော်ကို ၀ိုင်းဝန်းရိုက်နှက်ခဲ့ပြီး ကိုသန်းဇော်ဦးကို ဓားဖြင့်ထိုးခဲ့ခြင်းဖြစ်သည်။
ယင်းသို့ ၀ိုင်းဝန်းရိုက်နှက်မှုကြောင့် ကိုထွန်းနိုင်ဝင်းတွင် ၀ဲချိုစောင်းပေါက်ပြဲ ဒဏ်ရာ၊ ကိုဇော်တွင် ၀ဲချို စောင်း၊ နဖူးထိပ်၊ ၀ဲလက်ကောက်ဝတ် ဖူးရောင်ပေါက်ပြဲဒဏ်ရာများ အသီးသီးရရှိခဲ့ပြီး ဓားဖြင့်အထိုးခံ ရသည့် ကိုသန်းဇော်ဦး၏ ၀ဲနံစောင်းတွင် ထိုးသွင်းဒဏ်ရာတစ်ချက်၊ ယာဘက်ခါး စောင်းတွင်ထိုးသွင်း ဒဏ်ရာတစ်ချက်နှင့် နောက်ကျောဝဲဘက်တွင် ထိုးသွင်းဒဏ်ရာ တစ်ချက်ရရှိကာ အခင်းဖြစ်ပွားရာနေရာ တွင်ပင် သေဆုံးခဲ့ခြင်းဖြစ်သည်ဟု ရဲမှတ်တမ်းတွင် ဖော်ပြထားသည်။
အဆိုပါဖြစ်စဉ်နှင့် ပတ်သက်၍ ကိုထွန်းနိုင်ဝင်း၏ တရားလိုပြုတိုင်တန်းချက်ကို လှိုင်သာယာ မြို့နယ်ရဲစ ခန်းက (ပ)၈၁၆/၁၄၊ ပြစ်မှုပုဒ်မ ၃၀၂/၃၂၅/ ၁၁၄ ဖြင့် အမှုဖွင့်ပြီး ပြစ်မှုကျူးလွန်သူများကို ဖမ်းဆီးစစ်ဆေး လျက်ရှိသည်။
ပြီးခဲ့သည့်မေလ ၂၅ ရက်ကလည်း ရည်းစားကိစ္စဖြင့် စကားများရာမှ လူငယ်ငါးဦးက သံပိုက်လုံးဖြင့် ၀ိုင်းဝန်းရိုက်နှက်သဖြင့် အသက်(၁၉)နှစ်အရွယ် လူငယ်တစ်ဦး သေဆုံးခဲ့သည့်ဖြစ်စဉ်တစ်ခုတောင် ဒဂုံမြို့နယ် ပင်လုံခုံးတံတားအနီးတွင် ဖြစ်ပွားခဲ့သည်။
Mizzima Burmese
0 comments:
Post a Comment