Time in Rangoon 
မြန်မာနိ်ုင်ငံရဲ့ ပြုပြင်ပြောင်းလဲမှုတွေအပေါ်မှာ တချက်ခြင်း တုံ့ပြန်သွားမယ်ဆိုပြီး ကတိပြုခဲ့အတိုင်း အမေရိကန် ပြည်ထောင်စုဟာ မြန်မာအပေါ် အရေးယူမှုအချို့ကို လျှော့ပေါ့ပေးလာခဲ့ပါတယ်။ မြန်မာ အစိုးရဘက်က အခု ပြုလုပ်လာတဲ့ ပြုပြင် ပြောင်းလဲရေးခြေလှမ်းတွေဟာ အစ ဆိုပေမဲ့ အားရကျေနပ် စရာရှိတယ်လို့ အမေရိကန် နိုင်ငံခြားရေးဌာန လက်ထောက် နိုင်ငံ ခြားရေးဝန်ကြီး Michael A.Hammer က ဇူလိုင်လ ၂၆ ရက်နေ့ သတင်းစာ ရှင်းလင်းပွဲမှာ ပြောသွားပါတယ်။
“မြန်မာနိုင်ငံတွင်း ပြုပြင်ပြောင်းလဲမှုတွေလုပ်နေတာ၊ ပွင့်လင်းလာတဲ့ အခြေအနေတွေကို ကြည့် ရတာတော့ အတော်လေး အားရကျေနပ်စရာကောင်းပါတယ်။ နိုင်ငံတကာအနေနဲ့ နှစ်ပေါင်းများစွာ ကတည်းက မျှော်လင့် နေတဲ့ လမ်းကြောင်းပေါ် ရောက်နေတဲ့ပုံပါ။ ဒါတွေဟာ အစပျိုးမှုသာ ဖြစ်နေပေမဲ့ မြန်မာအစိုးရရဲ့ အခု ခြေလှမ်းတွေဟာ အားရကျေနပ်စရာရှိပါတယ်။”
ဒီလို ပြုပြင်ပြောင်းလဲမှုတွေကြောင့်လည်း မြန်မာနဲ့ အမေရိကန်အပါအ၀င် အနောက်နိုင်ငံတွေနဲ့ ဆက်ဆံရေး ဟာ အတော်လေး တိုးတက် ကောင်းမွန်လာတယ်လို့ ဆိုရမှာပါ။ သံတမန်ရေး ဆက်ဆံမှုတွေ အပြန်အလှန် ပြုလုပ်လာတဲ့အပြင် ကုန်သွယ်ရေးနဲ့ စီးပွားရေး ပူးပေါင်း ဆောင် ရွက်မှုတွေပါ ခြေလှမ်း အစပြုလာပါတယ်။ မြန်မာနိုင်ငံရဲ့ အပြောင်းအလဲဟာ အခြား အာဏာရှင်တွေ အတွက်လည်း အချက်ပြမှုတခုဖြစ်တယ်လို့ Mr. Hammer က ပြောသွားပါတယ်။
“ရက်စက်ကြမ်းကြုတ်မှုတွေနဲ့ အကြမ်းဖက် ရာဇ၀တ်မှုတွေ ကျူးလွန်တာကြောင့် နိုင်ငံတကာ အသိုင်းအ၀ိုင်းရဲ့ အပြင်ဘက် အထီးကျန်နေတဲ့ အုပ်ချုပ်သူတွေအတွက်လည်း ဒါဟာ အချက်ပြမှု တခုပါ။ မြန်မာနိုင်ငံအနေနဲ့ အခုလို ဒီလမ်းကြောင်းပေါ် လျှောက်လာတဲ့အတွက် အကျိုးအမြတ် ခံစားမှုတွေရှိပါတယ်။
"အာဏာရှင်တွေ၊ ဒီမိုကရေစီနည်းကျကျ လူထုကို ပါဝင်ပတ်သက်ခွင့်မပေးတဲ့ သူတွေအတွက် နိုင်ငံ တကာ အသိုင်းအ၀ို်င်းထဲမှာ အသေအချာ ပြန်ဝင်ဆန့်နိုင်ဖို့ မြန်မာနိုင်ငံဟာ စံပြနိုင်ငံလို ဖြစ်လာမယ် လို့ မျှော်လင့် ရပါတယ်။ အခုလုပ်နေတာတွေဟာ ကျနော်တို့ မြင်တွေ့လိုတာတွေပါ။ အစွန်းရောက်နေ တဲ့ သူတွေကိုတောင် သူတို့အခြေအနေကို ပြန်လည် သုံးသပ် စဉ်းစားကြဖို့ အားပေး တိုက်တွန်း လိုပါ တယ်။ သူတို့ဟာ သမိုင်းမှာ မှားတဲ့ဘက်မှာ ရှိနေပါတယ်။ သမိုင်းက သက်သေခံပါလိမ့်မယ်။ ဒါဟာ တာရှည်မခံပါဘူး။”
အမေရိကန် ပြည်ထောင်စု အနေနဲ့ မြန်မာနိုင်ငံအပေါ် အရေးယူမှု ဥပဒေတွေကို သက်တမ်းတိုးရေး ကိစ္စဟာ အခုလက်ရှိ လွှတ်တော်ထဲ ဆွေးနွေးနေကြဆဲ ဖြစ်ပါတယ်။ ဒါပေမယ့် အခု သက်တမ်း တိုးမယ့် မူကြမ်းထဲမှာ အစိုးရကနေ ယာယီ ကင်းလွတ်ခွင့် ပေးနိုင်မယ့် လုပ်ပိုင်ခွင့်တွေကိုလည်း ထည့်သွင်းထားတာပါ။
အရေးယူမှုတွေ လျှော့ပေါ့ပေးလာတာနဲ့အတူ အမေရိကန် ကုမ္ပဏီတွေ စီးပွားရေးလုပ်ငန်းတွေ လည်း မြန်မာနိုင်ငံထဲ ရင်းနှီးမြှုပ်နှံဖို့ ပြင်ကြဆင်ကြ၊ မြန်မာပြည်ကို သွားရောက် လေ့လာကြ တာ တွေ့လာရပါတယ်။ ဒါပေမယ့် အချိန်တိုအတွင်းမှာတော့ မြန်မာနိုင်ငံထဲ အမေရိကန် ရင်းနှီးမြှုပ်နှံ မှုတွေ အလုံးအရင်းလိုက် ၀င်ရောက်မယ့် အလားအလာတော့ မရှိသေးပါဘူးလို့ မြန်မာနိုင်ငံကို မကြာခင်က သွားရောက်ခဲ့တဲ့ အမေရိကန် ဒု လက်ထောက် နိုင်ငံခြားရေးဝန်ကြီး Robert Hormats က မနေ့ကပဲ ၀ါရှင်တန်ဒီစီက နိုင်ငံတကာ ကုန်သွယ်မှု အဖွဲ့မှာ ပြောခဲ့ပါတယ်။
အမေရိကန်ဟာ အခါအားလျော်စွာ မြန်မာသမ္မတကြီး ဦးသိန်းစိန်အစိုးရအဖွဲ့ ကို ချီးကျူ စကားကို နိုင်ငံတကာတွင် ပြောနေ လေ့ရှိပြီး မြန်မာအစိုးရကို ကမ္ဘာက အတုယူကြရန်လည်း အမြဲသတိပေးလျှက် ရှိပါတယ်။ သမ္မတဦးသိန်းစိန် အစိုးရသစ်ကြောင့် မြန်မာနိုင်ငံ ဒီမိုကရေစီ လမ်းကြောင်းပေါ် ရောက်လာကြောင်း မမြဲလိုလို ပြောနေပေမယ့် ဒေါ်အောင်ဆန်းစုကြည် ကြောင့် လို့တော့ တစ်ခါမှ မပြောခဲ့ပေ။
0 comments:
Post a Comment