Thursday, November 01, 2012

ငြိမ်းချမ်းရေးကို အမှန်တကယ် အလိုရှိပါရဲ့လား KIO

Posted by drmyochit Thursday, November 01, 2012, under | No comments


နိုင်ငံတော် အစိုးရနဲ့ KIO အဖွဲ့တို့ အောက်တိုဘာ ၃၀ ရက်နေ့က တရုတ်နိုင်ငံ ရွှေလီမြို့မှာ တွေ့ဆုံ ဆွေးနွေးကြမယ် ဆိုတော့ ၀မ်းသာမဆုံး ဖြစ်ရတယ်။ ရှေ့မှာလည်း ငြိမ်းချမ်းရေး တွေ့ဆုံ ဆွေးနွေးခဲ့တာ (၁၀)ကြိမ် ရှိပြီဆိုတော့ အခု ကျင်းပတဲ့ ပြည်ထောင်စု အဆင့် ငြိမ်းချမ်းရေး တွေ့ဆုံ ဆွေးနွေးပွဲက အကျိုးကျေးဇူးတော့ များလိမ့်မယ်လို့ ယုံကြည် ခဲ့ပါတယ်။
ကချင် တိုင်းရင်းသား ဒေသခံတွေ အပြင် နိုင်ငံတော် တစ်ဝန်းလုံးက လူတွေတောင်မှ ဒီတွေ့ဆုံပွဲကို စိတ်ဝင်တစား နားစွင့် ခဲ့ကြတဲ့ အထိပဲ ဖြစ်ပါတယ်။ ငြိမ်းချမ်းရေး တွေ့ဆုံပြီး သဘောတူ စာချုပ်တွေ ချုပ်ဆို ၊ ပြုံးချိုချိုနဲ့ လက်ဆွဲနှုတ်ဆက် နေကြတဲ့ ပုံကို မြင်ချင် လှပါပြီ။ ငြိမ်းချမ်းရေး တွေ့ဆုံ ဆွေးနွေး ပွဲ အောင်မြင်ဖို့က KIO အဖွဲ့ပဲ ကျန်တော့တယ် ထင်ပါတယ်။
ကချင်ပြည်နယ် ကြီးကို သေနတ်သံ ၊ ဗုံးသံ ၊ အမြောက်သံတွေ ကင်းစင်တဲ့ ငြိမ်းချမ်းသော ပြည်နယ် အဖြစ် ဖြစ်စေချင် လှပါပြီ။ နိုင်ငံတော် သမ္မတကလည်း မီဒီယာ တွေ့ဆုံပွဲမှာ " ကချင်ပြည်နယ်ကို ငြိမ်းချမ်းရေး အလွန်ပဲ ရစေချင် ပါတယ် ..။ နှစ်ဖက် ဆုံးရှုံးမှုက တိုင်းပြည်ရဲ့ ဆုံးရှုံးမှုပါ။ KIO စစ်သား တစ်ယောက် ဆုံးရှုံး သွားတာဟာ တိုင်းပြည်ရဲ့ ဆုံးရှုံးမှု ဖြစ်သလို ၊ ဗမာစစ်သား တစ်ယောက် ဆုံးရှုံး သွားတာလည်းတိုင်းပြည်ရဲ့ ဆုံးရှုံးမှု ပါပဲ .... " လို့ ပြော သွားတယ်။ 
နိုင်ငံတော် သမ္မတရဲ့ ဆန္ဒနဲ့ ပြည်သူတွေရဲ့ ဆန္ဒဟာ တစ်သားတည်း ဖြစ်ပါတယ်။ ဒါကြောင့် ပြည်ထောင်စု အဆင့် ငြိမ်းချမ်းရေး တွေ့ဆုံ ဆွေးနွေးပွဲကြီး အောင်မြင် ပါစေလို့ ဆုတောင်း နေမိပါတယ်။ ဒါပေမယ့် ဆုတောင်း မပြည့်ခဲ့ပါဘူး။ " တွေ့ဆုံ ဆွေးနွေးပွဲ မအောင်မြင်ဘူး " ဆိုတဲ့ သဘောတူ ညီချက် တစ်ခု တလေ တောင် မှ မရခဲ့ဘူးတဲ့။

ဘယ်လို ဖြစ်ရတာပါလိမ့် ..... ?

စုံစမ်းကြည့်မိတော့ KIO ဘက်က အပစ်အခတ် ရပ်စဲရေး ကို နောက်မှ လုပ်မယ် ၊ နိုင်ငံရေး အရ ဆွေးနွေးမှုကို အရင်ဆုံး လုပ်မယ် ဆိုတဲ့ ကောက်ကြောင်း ဟောင်းပါပဲ။ အစိုးရဘက်က နယ်မြေ ငြိမ်းချမ်းရေး အတွက် အပစ်အခတ် ရပ်စဲရေးကို ပထမ ဦးစားပေး လုပ်မယ် ၊ အဲဒီကမှ နိုင်ငံရေးအရ ဆက်လက် ဆွေးနွေးသွား ချင်တယ်လို့ သိရတယ်။

ဘယ်သူ့ဘက်ကမှ လိုက်ပြီး ပြောတာတော့ မဟုတ်ပါဘူး။ လူပြိန်းတွေတောင် နားလည် နိုင်တဲ့ အပစ်အခတ် ရပ်စဲရေးကို အရင်ဆုံး လုပ်တာဟာ အကောင်းဆုံးနဲ့ သဘာဝ ကျပါတယ်။ အပစ်အခတ် မရပ်စဲ သေးဘဲ တွေ့ဆုံ ဆွေးနွေးကြပြီ ဆိုပါတော့ ... ။ သေနတ်သံ ၊ ဗုံးသံ တွေကြားမှာ နောက်ကြောက လုံပါ့မလား .... ? ။ ကိုယ်စားလှယ်တွေ သွားရေး - ပြန်ရေး ကရော စိတ်အေး နိုင်ပါ့မလား .... ? ။ ဒါကြောင့် ကျွန်တော့် အမြင်ကတော့ အပြန်အလှန် ယုံကြည်မှု ရရှိအောင် အရင်ဆုံး နှစ်ဖက်စလုံးက အပစ်အခတ် ရပ်စဲရေးကို ဦးစားပေး လုပ်သင့်တယ်လို့ ပြည်ချစ်သားက မြင်ပါတယ်။

နောက်တစ်ချက်က ငြိမ်းချမ်းရေး တွေ့ဆုံ ဆွေးနွေးပွဲရဲ့ ရည်မှန်းချက်က ပစ်သံ ၊ ခတ်သံတွေ မကြားရတဲ့ ငြိမ်းချမ်းရေး ရရှိဖို့ပဲ မဟုတ်လား .... ။ ဒါနဲ့များတောင် KIO က အပစ်အခတ် ရပ်စဲရေးကို အရင်ဦးဆုံး မလုပ်ဘဲ ၊ မရွေးချယ်ဘဲ နိုင်ငံရေးအရ ဆွေးနွေး နေချင် ရတာလဲ ... ? ဘယ်လို ရည်ရွယ်ချက် တွေများ ရှိနေလို့ ပါသလဲ ...... ? ။

( ပြည်ချစ်သား)

0 comments:

Post a Comment

Tags

Labels

နောက်ဆုံးရ သတင်းများ

Blog Archive

Blog Archive

ဆက်သွယ်ပေးပို့ရန်

drmyochit72@gmail.com သို့ ဆက်သွယ်ပေးပို့နိုင်ပါသည်

ရှာဖွေရန်