Monday, April 01, 2013

သမ္မတ ဦးသိန်းစိန် မတ်လ (၃၁)ရက်နေ့ ရေဒီယိုမိန့်ခွန်း ကောက်နှုတ်ချက်

Posted by drmyochit Monday, April 01, 2013, under | No comments

"ပထမ အချက် အနေနဲ့က ပြည်သူ အများ မျှော်လင့် စောင့်စား နေတဲ့ မိုဘိုင်း တယ်လီဖုန်း ကိစ္စ ဖြစ်ပါတယ်။ မိုဘိုင်း တယ်လီဖုန်း ဆင်းကဒ်များကို ယခု ဧပြလမှ စပြီး သက်ဆိုင်ရာ ဆက်သွယ်ရေး သတင်းနှင့် နည်းပညာ ၀န်ကြီး ဌာနမှ လိုအပ်တဲ့ အမိန့် ကြေညာစာ ထုတ်ပြန်ပြီး အသက်သာဆုံး ကျပ်ငွေ နှုန်းထားဖြင့် ကျွန်တော် ကတိပေး ပြောကြား ထားတဲ့ အတိုင်း ရောင်းချ ပေးသွားမှာ ဖြစ်ပါတယ်။

မိုဘိုင်း တယ်လီဖုန်း ဆင်းကဒ် ရောင်းချ ရာမှာ တည်ဆောက် ပြီးဖြစ်တဲ့ အခြေခံ တပ်ဆင် ထားပြီး ဖြစ်တဲ့ လိုင်း အင်အား ၀င်ဆန့်တဲ့ တယ်လီဖုန်း အရေ အတွက်ကို တွက်ချက်ပြီး သက်ဆိုင်ရာ တိုင်းဒေသကြီးနဲ့ ပြည်နယ်အားလုံး မျှမျှ တတ ဖြစ်စေရန် ဖြန့်ခွဲ ရောင်းချ ပေးသွားမှာ ဖြစ်ပါတယ်။

၎င်းအပြင် အခြေခံ တယ်လီဖုန်း အဆောက် အအုံနဲ့ တယ်လီဖုန်း လိုင်းများကို ပြည်တွင်း ပြည်ပ ကုမ္မဏီများနဲ့ လစဉ်တိုးချဲ့ သွားမယ့် အပြင် မိုဘိုင်း တယ်လီဖုန်း ဆင်းကဒ် များကို လစဉ် မှန်မှန် ရောင်းချ ပေးသွားမှာ ဖြစ်တဲ့ အတွက် မြို့ပေါ် ရပ်ကွက်နဲ့ ကျေးလက်ဒေသ အထိ ဆက်သွယ်ရေး စနစ်များ တိုးတက် ကောင်းမွန် လာအောင် စီမံချက် ချမှတ်ပြီး ဆောင်ရွက် သွားမှာ ဖြစ်ပါတယ်။

တစ်ချိန်ထဲ မှာပဲ လက်ရှိ သုံးစွဲ နေတဲ့ အော်တို တယ်လီဖုန်း များကို ပိုမို ကောင်းမွန်အောင် စီမံ ဆောင်ရွက် သွားမည် ဖြစ်ကြောင်း ပြောကြား လိုပါတယ်။"

ဧပြီလမှစ ကျပ်ငွေ ၂ သောင်း ၀န်ထမ်း လစာ တိုးမည်ဟု သမ္မတ ဦးသိန်းစိန်က မတ်လ ၃၁ ရက် ရေဒီယို မိန့်ခွန်းမှာ ထည့်သွင်း ပြောကြား

"ဒုတိယ အချက်အနေနဲ့ ၀န်ထမ်းများရဲ့ လစာနဲ့ ထောက်ပံ့ကြေး ကိစ္စဖြစ်ပါတယ်။ အဆိုပါ ကိစ္စနဲ့ ပတ်သက်ပြီး တိုင်းပြည်ရဲ့ စီးပွားရေး အခြေ အနေ ရငွေ သုံးဆွဲ ရသည့် ဘတ်ဂျတ် ပေါ်မှာ တွက်ချက်ပြီး အခါ အားလျော်စွာ တိုးမြင့် ထောက်ပံ့ ပေးသွားမှာ ဖြစ်ကြောင်း ကျွန်တော် ပြောကြား ခဲ့ပြီး ဖြစ်ပါတယ်။ ယခု ၂၀၁၃ -၂၀၁၄ ဘဏ္ဍာ ရေးနှစ် ခန့်မှန်းခြေ ရငွေ သုံးငွေ စာရင်းမှာ ၀န်ထမ်းများ အတွက် လစာနှင့် ပင်စင် တိုးမြှင့် ပေးနိုင်ဖို့ တွက်ချက်ပြီး ကျပ်ငွေ (၃၈၅) ဘီလီယံ ထည့်သွင်းပြီး လွှတ်တော်ကို တင်ပြ တောင်းခံ ခဲ့ပါတယ်။ ပြည်ထော်စု လွှတ်တော် ကလည်း ၀န်ထမ်းများရဲ့ အခက်အခဲ ကို စာနာပြီး ဒါကြောင့် ယခင် ထောက်ပံ့ ပေးထားခဲ့တဲ့ ကျပ်ငွေ သုံးသောင်းကို ယခင် အတိုင်း ထောက်ပံ့ ကြေးငွေ အဖြစ် ဆက်လက် သတ်မှတ်ပြီး ယခု ကျပ်ငွေ နှစ်သောင်းကို လစာငွေအဖြစ်ဧပြီလ မှ စပြီး ထပ်မံ၍ တိုးပေး သွားမှာ ဖြစ်ပါတယ်။"

တိုင်းပြည် စီးပွားရေး ဖွံ့ဖြိုးအောင်၊ တိုင်းပြည် တည်ငြိမ်း အေးချမ်းမှု ရှိအောင် ၀ိုင်းဝန်း ကူညီ ဆောင်ရွက် ပေးကြ ဖို့ကိုလည်း သမ္မတ ဦးသိန်းစိန်က မတ်လ ၃၁ရက် ရေဒီယို မိန့်ခွန်းမှာ မေတ္တာရပ်ခံ

"တတိယ အချက်ကတော့ တိုင်းပြည်စီးပွားရေး ဖွံ့ဖြိုးတိုးတက်အောင် ၀ိုင်းဝန်းကူညီ ပေးကြဖို့ ဖြစ်ပါ တယ်။ ရေမြင့်ရင် ကြာတင့်တယ် ဆိုသလို တိုင်းပြည်ရဲ့ စီးပွားရေး ဖွံ့ဖြိုးတိုး တက် သလောက် ပြည်သူများရဲ့ လူမှု စီးပွား ဘ၀ ဟာလည်း မြင့်မား လာမှာ ဖြစ်ပါတယ်။ လက်ရှိ အခြေ အနေ အရ အလုပ် အကိုင် အခွင့် အလမ်းများ ရရှိဖို့ အတွက် အလုပ်ရုံ စက်ရုံများ ထူထောင်နိုင်ဖို့ ကျွန်တော်တို့ တိုင်းပြည်မှာ အရင်းအနှီး နည်းပညာ နဲ့ လူ့စွမ်းအား အရင်း အမြစ်များ လိုအပ် နေပါတယ်။ ဒီအချက်တွေ မပြည့်စုံ သေးခင်မှာ ပြည်ပမှ အရင်း အနှီးတွေ ခေါ်ရမှာ ဖြစ်ပါတယ်။ ပြည်ပ အရင်း အနှီးတွေ ဖိတ်ခေါ်တဲ့ နေရာ မှာလည်း တိုင်းပြည်ရဲ့ အကျိူး ပြည်သူ လူထုရဲ့ အကျိုး စီးပွားကို ရှိစေမယ့် မူဝါများ လည်း ချမှတ် ထားပြီး ဖြစ်ပါတယ်။ ပြည်ပအရင်းအနှီးတွေ လာရောက် ရင်းနှီးမြှုပ်နှံကြဖို့ အတွက် နိုင်ငံတကာနဲ့ လိုက်ရော ညီထွေ ရှိတဲ့ နိုင်ငံခြားရင်းနှီးမြှုပ်နှံမှု ဥပဒေကို ထုတ်ပြန်နိုင်ခဲ့ပြီး ဖြစ်ပါတယ်။ ပြင်ပက မိမိတို့နိုင်ငံအပေါ် စီးပွားရေး ပိတ်ဆို့တာဆီးမှုတွေ ဖြေလျော့ နိုင်ဖို့အတွက်လည်း ကြိုးပမ်း ဆောင်ရွက်ခဲ့ ရာမှာ အောင်မြင်မှု တစ်ချို့ ရရှိ နေပြီ ဖြစ်ပါတယ်။ ယခင်ခေတ် ဆက်ဆက်က တင်ရှိနေတဲ့ နိုင်ငံခြား ကြွေးမြေ များအနက် အမေရိကန်ဒေါ်လာသန်းပေါင်း ခြောက်ထောင် ကျော်ကို လျော်ပစ် ပယ်ဖျက်ခွင့် ရရှိခဲ့ပြီး ဖြစ်ပါတယ်။ကမ္ဘာ့ဘဏ်၊ အပြည်ပြည် ဆိုင်ရာ ငွေကြေး ရန်ပုံငွေ အဖွဲ့ အရှ ဖွံ့ဖြိုးရေးဘဏ် တို့မှ နှုန်းထား သက်သာတဲ့ နှစ်ရှည် ချေးငွေများကို လည်း ရရှိတော့မှာ ဖြစ်ပါတယ်။ တိုင်းပြည် စီးပွားရေးတွက် အဘက်ဘက်မှ အထောက် အကူများ ရရှိနေပြီ ဖြစ်ပါတယ်။ ကျွန်တော်တို့ အဓိက လိုအပ် ချက်က တိုင်းပြည်တည်ငြိမ်အေးချမ်းရေးပဲ ဖြစ်ပါတယ်။ တိုင်ပြည် တည်ငြိမ်းအေးချမ်းမှုမရှိပဲ ဆူဆူ ပူပူ ဖြစ်နေရင်တော့ ကျွန်တော်တို့ တိုင်းပြည်အတွက် အခွင့်အလမ်းတွေ ဆုံးရှုံးသွားမှာ ဖြစ်ပါတယ်။ ဒါကြောင့် မိဘ ပြည်သူများ အားလုံးကို တိုင်းပြည် တည်ငြိမ် အေးချမ်းမှု ရှိအောင် ၀ိုင်းဝန်း ကူညီ ဆောင်ရွက် ပေးကြဖို့ မေတ္တာ ရပ်ခံ အပ်ပါတယ်။"

"တိုင်းပြည် လူဦးရေရဲ့ အများစုဟာ ကျေးလက်မှာ နေထိုင်ကြပြီး လယ်ယာ လုပ်ငန်းနဲ့ လယ်ယာ လုပ်ငန်း အပေါ်မှာ အခြေခံပြီး လက်လုပ် လက်စားများ ဖြစ်ကြကြောင်း"


"စတုတ္တ အချက်ကတော့ ကျွန်တော်တို့ တိုင်းပြည်မှာ အခြေခံ အကျဆုံး လူအများစု ဖြစ်တဲ့ အလုပ်သမားနဲ့ တောင်သူလယ်သမား ဘ၀ တိုးတက် မြင့်မားရေးဖြစ်ပါတယ်။ တိုင်းပြည် လူဦးရေရဲ့ အများစုဟာ ကျေးလက်မှာ နေထိုင်ကြပြီး လယ်ယာ လုပ်ငန်းနဲ့ လယ်ယာလုပ်ငန်း အပေါ်မှာ အခြေခံပြီး လက်လုပ် လက်စားများဖြစ်ကြပါတယ်။ လယ်ယာ လုပ်ငန်း ဖွံ့ဖြိုး တိုးတက် လာတာနဲ့ အမျှ ပြည်သူလူထုရဲ့ အခြေခံ လိုအပ်ချက်ဖြစ်တဲ့ စာရေးဝတ်ရေးနဲ့ နေရေး ကို ဖူလုံလာမှာ ဖြစ်ပါတယ်။ ဒါကြောင့် လယ်ယာကဏ္ဍ ဖွံဖြိုး တိုးတက်ရေး အတွက် တောင်သူ လယ်သမားများ အနေနဲ့ အလုပ်ကိုကြိုးစားလုပ်ကိုင်ကြပြီး လယ်ယာ ထွက်ကုန်များ ပိုမို ထွက် ရှိအောင် ကြိုးပမ်းဆောင်ရွက်ကြဖို့ မိမိတို့ရဲ့ လယ်မြေများ တန်ဖိုးမြင့် တက်လာအောင် လယ်မြေ များကို ပြုပြင်ကြဖို့ အထွက်တိုးတဲ့ မျိုးကောင်းမျိုးသန့်တွေကို ရွေးချယ် စိုက်ပျိုး ကြဖို့ စနစ်တကျ သိပံနည်းကျ စိုက်ပျိုးကြဖို့ စက်မှုလယ်ယာကို ပြောင်းနိုင်ဖို့ ပူးပေါင်း ဆောင်ရွက် ကြရမှာ ဖြစ်ပါတယ်။ တောင်သူလယ်သမား အလုပ်သမားများအတွက် အဓိက လိုအပ်ချက်ဟာ ငွေကြေး အရင်း အနှီးဖြစ် တယ် ဆိုတာ ကျွန်တော်အနေနဲ့ သိရှိထား ပါတယ်။ ဒါကြောင့် ငွေကြေး အရင်း အနှီးကို ဖြည့်စည်းပေးနိုင်ဖို့အတွက် အသေးစား ငွေစုငွေ ချေးဘဏ် အသေးစား ငွေစုငွေချေး အသင်းများနဲ့ သမ၀ါယမ ငွေစုငွေချေး အစုအဖွဲ့များ တည်ထောင်ပြီး ကျယ်ကျယ်ပြန့်ပြန့် ကြိုးပမ်း ဆောင်ရွက်လျှက် ရှိပါတယ်။ ဒါအပြင့် ပြည်ပ အထောက် အပံ့နဲ့ ချေးငွေ များကိုလည်း ရယူ ဆောင်ရွက် သွားမှာ ဖြစ်ကြောင်း အသိပေး ပြောကြား လိုပါတယ်။ "

သမ္မတကြီး ဦးသိန်းစိန် ပြောကြာသည့် ရေဒီယို မိန့်ခွန်း အသံဖိုင် (From: DVB)

0 comments:

Post a Comment

Tags

Labels

နောက်ဆုံးရ သတင်းများ

Blog Archive

Blog Archive

ဆက်သွယ်ပေးပို့ရန်

drmyochit72@gmail.com သို့ ဆက်သွယ်ပေးပို့နိုင်ပါသည်

ရှာဖွေရန်