မိုးညှင်း ကျောက်လုပ်သားများ KIA တပ်သားသစ်အဖြစ် စုဆောင်းခံရ

 မိုးညှင်းမြို့နယ်အတွင်းရှိ ရွှေမှော်လုပ်ကွက်တခု မြင်ကွင်း (ဓာတ်ပုံ – နန်းသီရိလွင် / ဧရာဝတီ)

ကချင် ပြည်နယ်၊ မိုးညှင်း ခရိုင်၊ မိုးညှင်း မြို့နယ်ရှိ ကျောက် လုပ် ကွက်များမှ လုပ်သား ၁၀၀ နီးပါးကို ဧပြီလ ၂၂ ရက်နေ့ ညပိုင်းတွင် ကချင် လွတ်မြောက်ရေး တပ်မတော် (KIA) က တပ်သားသစ် စုဆောင်း သည်ဟု ဆို၍ ဖမ်းဆီး ခေါ်ဆောင် သွားကြောင်း သတင်း ရရှိသည်။

မိုးညှင်း မြို့နယ် အတွင်းရှိ ၀ဘက်မှော်၊ သရက်မှော်၊ မာလ ကာမှော်နှင့် နမ့်ချီ မှော်များမှ ကျောက် လုပ်ကွက် လုပ်သား များကို ခေါ်ဆောင် သွားခြင်း ဖြစ်ပြီး ငွေကျပ် တသောင်းခွဲမှ ငါးသောင်းအထိ ဈေး အမျိုးမျိုး ဖြင့် ပြန်လည် ရွေးထုတ် နေရကြောင်း သိရသည်။

“လူက တော့ ၁၂ ဘီး ကားကြီး ၂ စီးနဲ့ အပြည့် အသိပ် ဆိုတော့ တရာ ကျော် လောက်တော့ ရှိမယ်။ သူတို့က မှော်ထဲမှာ အလုပ် လုပ်နေတဲ့ သူရော၊ လမ်းမှာ တွေ့တဲ့သူရော အားလုံး ခေါ်သွားပြီး မနက် မိုးလင်း တော့ ငွေနဲ့ ရွေး ခိုင်းတယ်။ လူကြည့် ပြီးတော့ ဈေး အမျိုးမျိုး တောင်းတယ်။ ၀ဘတ် မှော်ကနေ စလိုက် တာ နမ့်ချီမှာ ငွေယူပြီး ပြန်လွှတ် လိုက်တယ် ကျနော်တို့က သုံးယောက် ဆိုတော့ တယောက်ကို သုံးသောင်း နဲ့ ကိုးသောင်း ပေးလိုက် ရပါတယ်။ ငွေ မပေးနိုင်လို့ ပြန်မလွတ် သေးတဲ့သူ အယောက် ၃၀ လောက် အခု အချိန်ထိ နမ့်ချီမှာ ရှိနေတယ်” ဟု ဖမ်းဆီး ခံရပြီးနောက် ပြန်လည် လွတ်မြောက် လာသူ ၀ဘတ် မှော်မှ ကျောက်လုပ်သား တဦးက ဧရာဝတီကို ပြောသည်။

ကုမ္ပဏီ လုပ်ကွက် များရှိသော်လည်း ကုမ္ပဏီ များက နားလည် မှုဖြင့် ဆတ်ကြေး အမျိုးမျိုး ပေးထား သော ကြောင့် တနိုင်တပိုင် လုပ်ကိုင် နေရသူ လက်လုပ် လက်စား များကိုသာ တပ်သားသစ် အဖြစ် စုဆောင်း ခံနေရ သည်ဟု ၎င်းက ဆိုသည်။

အဆိုပါ ကိစ္စနှင့် ပတ်သတ်၍ မိုးညှင်းဒေသအခြေစိုက် KIA တပ်မဟာ ၆ တပ်ရင်း ၅ သို့ ဆက်သွယ်ခဲ့ရာ ဆက်သွယ် ၍ မရခဲ့ပေ။

KIA မှ အမည် မဖော် လိုသူ အရာရှိတဦးကမူ “တပ်သားသစ် စုဆောင်းတယ်ဆိုတာ ဖြစ်နိုင်ပါတယ်။ စစ်ရေး အခြေ အနေ ကလည်း အပစ်ရပ်ထားတယ်လို့သာ ပြောတာ တိုက်ပွဲဖြစ်တဲ့ နေရာတွေကလည်း ဖြစ်နေ တယ်။ တပ်ရင်းတွေအနေနဲ့ လိုအပ်တဲ့ တပ်သားသစ် စုဆောင်းတာ၊ ဆတ်ကြေး ကောက်တာ တွေကို လုပ်ကောင်းလုပ်နေကြအုံးမှာပဲ” ဟု ဧရာဝတီကို ပြောသည်။

ဧပြီလ ၂၂ ရက်နေ့ကပင် တပ်သားစုဆောင်းရေးအဖြစ် သစ်လုပ်ငန်း လုပ်ကိုင်သူများကို ခေါ်ဆောင် သွားပြီး လူ တယောက်လျှင် ကျပ် ငါးသောင်းနှုန်းဖြင့် ပြန်ရွေးခဲ့ရကြောင်း၊ သစ်စက် ထောင်သူများထံမှ တဦး လျှင် ငွေကျပ် ငါးသိန်း တောင်းသည်ကို သုံးသိန်းဖြင့် ညှိနှိုင်းပေးဆောင်ခဲ့ရပြီး ငွေငါးသောင်း မပေးနိုင် သူ သစ်လုပ်သား ငါးဦးကို တပ်သားသစ်အဖြစ် ခေါ်ထားကြောင်း ဒေသခံများထံမှ သိရသည်။

“အမှန်အတိုင်း ပြောရမယ်ဆိုရင် ဒီလုပ်ရပ်တွေကို အထက်က လူကြီးတွေလည်း သိတယ်။ ဒီမှာ ဌာန ဆိုင်ရာ စရဖ တို့ SB တို့၊ သတင်းတပ်ဖွဲ့တို့ ဟိုကသတင်း၊ ဒီက သတင်းနဲ့ တက်ပေးနေကြတာပဲ။ မသိတာ တော့ မရှိဘူး။ ဒါပေမယ့် လွှတ်တော်မှာ အနေအထားအရ တမျိုးမျိုးတော့ တင်တော့တင်ကြတယ်။ တိုက် ရိုက်တော့ မပြောကြသေးဘူး။ ကျနော့် အနေနဲ့ ပြောရရင် ကိုယ့် လုံခြုံရေးကလည်း ဘာမှ ရှိတာ မဟုတ် ဘူး။ အစိုးရနဲ့ နည်းနည်း အေးအေး ဖြစ်လာရင်လည်း ဒီလို ဆတ်ကြေးကောက် လူစု တာတွေကတော့ ရှိနေ တာပဲ” ဟု မိုးညှင်းမြို့နယ် အမျိုးသားလွှတ်တော်အမတ် ဦးဖေသောင်းက ဆိုသည်။

အဆိုပါကိစ္စအတွက် မိုးညှင်းမြို့နယ် ရဲစခန်းသို့ ဆက်သွယ်မေးမြန်းရာတွင် ထိုအဖြစ်အပျက်ကို မသိရှိ ကြောင်း ပြန်လည် ဖြေကြားခဲ့သည်။

“ကျနော် တို့က နီးရာဓား ကြောက်နေ ရတယ်။ တောထဲမှာ ဖြစ်တဲ့ ကိစ္စကို တောထဲမှာပဲ ဖြေရှင်း၊ မြို့ပေါ်က ရဲစခန်းနဲ့  စစ်တပ်က ဘာမှ မတတ် နိုင်ဘူး။ ဒီလို အဖြစ်မျိုး ခဏခဏ ကြုံဖူးပေမယ့် ရဲစခန်း၊ စစ်တပ်ကို တခါမှ မတိုင် ဖူးပါဘူး။ ကျနော်တို့ ဒေသက အမဲ ရောင် နယ်မြေ ဖြစ်နေတော့ ကျနော်တို့ ဒေသခံ တွေက နီးရာလူနဲ့ အဆင် ပြေအောင် နေရပါတယ်” ဟု ကျောက် လုပ်သား တဦးက ဧရာဝတီကို ပြောသည်။

တနှစ် ကျော်ကြာ တိုက်ပွဲများ ဖြစ်ပွား ခဲ့ပြီးနောက် ငြိမ်းချမ်းရေး ဆွေးနွေးရန် အပစ် အခတ် ရပ်စဲ ထားသော်လည်း KIA နှင့် အစိုးရ တပ်မတော် တို့၏ တိုက်ပွဲ များသည် KIA တပ်မဟာ ၁၇ ထိန်း ချုပ်ရာ ရှမ်းပြည်နယ် အတွင်း ဆက်လက် ဖြစ်ပွားခဲ့ကာ၊ ငြိမ်းချမ်းရေး ဆွေးနွေး နေဆဲ ဖြစ်သော ရှမ်းပြည် တပ်မ တော် (မြောက်ပိုင်း) နှင့်လည်း တိုက်ပွဲများ ပြင်းထန် လျှက် ရှိသည်။ 

နန်းသီရိလွင် 

From: ဧရာဝတီ