Time in Rangoon 
ရှမ်းပြည် တိုးတက်ရေး ပါတီ (SSPP) နှင့် အစိုးရ ပြသနာ ဖြစ်နေသည်မှာ အစိုးရ တပ်ဖွဲ့က တမင် ၀င်တိုက်
ပြီး ရာဇ သံပေး နေသည့် ကိစ္စ ဖြစ်သော်လည်း အမျိုးသား လုံခြုံရေး ၀န်ကြီး ဌာန ၀န်ကြီး ဦးအောင်မင်း တို့က ဖြေရှင်းခြင်း မရှိဟု တွေ့ဆုံ ဆွေးနွေး ပွဲကို တက်ရောက် ခဲ့သူ SSPP မှ ဗိုလ်မှူး စိုင်းလ က ဆိုပါ သည်။
“အဲဒီ ရာဇသံ ကိစ္စ၊ မိုင်းရှူးမြို့နယ်က တာ့ဆမ်းဖူး ကူးတို့ဆိပ် ကိစ္စတွေကို ဆွေးနွေးမယ် ထင်ထားတယ်။ ဒါပေမဲ့ အဲဒါကို အရှေ့ အလယ်ပိုင်း တိုင်းမှူးနဲ့ လွှဲလိုက်တယ်။ တိုင်မှူးကလည်း ဘယ်နေ့ဆွေးနွေးမလဲ ဆိုတာကို လည်း မပြော ဘူးဗျ။ ဒီတော့ ဖြစ်နေ တဲ့ ပြသနာကို ဒီအတိုင်း ထားခဲ့တယ်။ ပြီးတော့ တဆင့် တိုးပြီး တပ်မိ သားစု နေရာချ ထားရေး ကိစ္စကိုဘဲ မူအားဖြင့် သဘော တူထားပြီးတော့ ဆွေးနွေးပွဲကို အဆုံး သတ် လိုက် တာပါ” ဟု ဆိုပါသည်။
တပ်နေရာ ချထားရေးကို တိုင်းမှူးနှင့် တွေ့ဆုံ ဆွေးနွေးပြီးမှ ပြည်ထောင်စုအဆင့် ငြိမ်းချမ်းရေး အဖွဲ့နှင့် ထပ်မံ တွေ့ဆုံပြီး အကောင် အထည် ဖေါ်သွားမည်ဟု ထင်ရသော်လည်း၊ တိုင်းမှူးနှင့် တွေ့ဆုံရန်ကိုမူ ရက် သတ်မှတ်ထားခြင်း မရှိပေ။ SSPP နှင့် အစိုးရတို့၏ ဆွေးနွေးမှုသည်လည်း ပြီးခဲ့ သည့်၂၀၁၁ ခုနှစ် ဇန္နာဝါရီ ၌ စတင်ပြီး အပစ်အခတ် ရပ်စဲရေး ကိစ္စကို ဆွေးနွေးခဲ့ပြီး နောက်ပိုင်းတွင် ယခုမှ နောက်ထပ် တကြိမ် ထပ် မံ တွေ့ဆုံခဲ့ခြင်း ဖြစ်ပါသည်။ ဤသို့ ဆိုပါက တိုင်းမှူးနှင့် ထပ်မံ တွေ့ဆုံရမည့် အရေးသည် ရက်ကန့်သတ် ထားခြင်း မရှိသဖြင့် SSPP ၏ တပ်နေရာ ချထားရေး သည်လည်း မရေမရာ အခြေအနေနှင့် ရှိနေမည်
ဖြစ်သည်။
ဦးအောင်မင်းသည် အစိုးရတပ်နှင့် SSPP တပ်များ အကြား တိုက်ပွဲများ ဖြစ်ပွား နေရခြင်းသည် ဆက်ဆံ
ရေးရုံးနှင့် တပ်နေရာ ချထားခြင်း မရှိသေးသည့် အတွက်သာ ဖြစ်နေရကြောင်း လွှတ်တော်သို့ ပြီးခဲ့သည့် သြဂုတ်လတွင် တင်ပြ ခဲ့ပါသည်။
“အခု ဆွေးနွေးပွဲ ကတော့ တပ်နေရာ ချထားရေး မပါခဲ့ပါဘူး၊ တပ်မိသားစု နေရာချထားရေး ကိုဘဲ တင်ပြ
ကြပါတယ်။ ကျနော်တို့ တပ်မဟာ (၃) နဲ့ (၆) က မိသားစု (၃) ထောင်လောက် ရှိမယ်။ အဲဒါကို နေရာချဖို့ မိုင်းရှူးမြို့နယ်က မိုင်းအော့ ဒေသမှာ ဧက တသောင်းလောက်တော့ တောင်းထား ပါတယ်။ ဒါလည်း မှန်း
တာက ဒီဇင်ဘာ မတိုင်ခင်ကျမှ အကောင် အထည် ဖေါ်ဖြစ်မယ် ထင်ပါတယ်” ဟု ဆိုပါသည်။
ဝန်ကြီး ဦးအောင်မင်းနှင့် ရှမ်းပြည်တိုးတက်ရေးပါတီတို့တွေ့ဆုံ ဆွေးနွေးနေစဉ်
(ဓါတ်ပုံ - အင်တာနက်)
SSPP သည် ရာဇသံ ကိစ္စနှင့် တပ်နေရာ ချထားရေးကို ဆွေးနွေး စေချင်ပါသည်။ သို့မှသာ အပစ်အခတ် ရပ်စဲမှု ခိုင်မြဲပြီး တိုက်ပွဲများ ဖြစ်ပွား နေခြင်းကို အဆုံးသတ်နိုင်မည်ဟု ဆိုပါသည်။ သို့သော် အစိုးရ ဖက်မှ မဆွေးနွေး နိုင်သေး သဖြင့် တိုက်ပွဲများ ဆက်လက်ဖြစ်ပွားစရာ ရှိလိမ့်မည်ဟု ယူဆနေပါသည်။
ယင်းအောက်တိုဘာ (၁၀) ရက်နေ့ ဆွေးနွေးပွဲသို့ တက်ရောက်သော အစိုးရ ကိုယ်စားလှယ်များမှာ ၀န်ကြီး ဦးအောင်မင်း ၊ ဦးဆောင်ပြီး ပြည်ထောင်စု အဆင့် ငြိမ်းချမ်းမှု ဖေါ်ဆောင်ရေး အဖွဲ့ဝင် ဦးသိန်းဇော်၊ ရှမ်းပြည်နယ် ဝန်ကြီးချုပ်၊ အရှေ့အလယ်ပိုင်း တိုင်းမှုးနှင့် ပြည်ထောင်စု ဒုဝန်ကြီးများနှင့် ပြည်နယ် ဝန်ကြီးများ တက်ရောက် ခဲ့ပါသည်။
ရှမ်းပြည် တိုးတက်ရေး ပါတီဖက်မှ အထွေထွေ အတွင်းရေးမှူး စ၀်ခွန်ဆိုင် ဦးဆောင်သော ဗဟို ကော်မတီ ၀င် အဖွဲ့ဝင် ၉ ဦးတို့ တက်ရောက် ဆွေးနွေးခဲ့ကြပါသည်။
ဤဆွေးနွေးပွဲသည် လောလောဆယ် ပြသနာ ဖြစ်နေသော SSPP နှင့် အစိုးရ တပ်ဖွဲ့များကြား တိုက်ပွဲဖြစ် ပွားနေမှုနှင့် ရာဇသံ အပေးခံနေရမှုများကို ဖြေရှင်းခဲ့ခြင်း မဟုတ်သည့်အတွက် တိုက်ပွဲများ ဆက်လက် ဖြစ်ပွားစေရေး အခြေအနေသာ ဆက်လက် ရှိနေမည်ဖြစ်ကြောင်း စစ်ရေး အကဲခတ်များကလည်း သုံးသပ် နေကြပါသည်။
0 comments:
Post a Comment