Tuesday, February 19, 2013

ကြည့်မြင်တိုင်၌ ခြင်ဆေးမှတဆင့် မီးလောင်ကျွမ်းမှုဖြစ်ပွား

Posted by drmyochit Tuesday, February 19, 2013, under | No comments


ဖေဖော်ဝါရီလ(၁၈)ရက် ညနေ(၃)နာရီခွဲ ၀န်းကျင် က ကြည့်မြင် တိုင်မြို့နယ် ဈေးကြီးရပ်၊ ရတနာပုံ အောက် လမ်း အိမ်အမှတ် (၃၁)  နှစ်ခန်းတွဲ ခုနှစ်ထပ်တိုက် (၅)လွှာ၌ မီးလောင်ကျွမ်း မှုဖြစ်ပွား ခဲ့ သည်။

အဆိုပါ မီးလောင်ကျွမ်းမှုမှာ ကုတင်ပေါ်တွင် ခြင်ဆေး ခွေထွန်းထားရာမှ စတင်လောင် ကျွမ်း ခဲ့ခြင်း ဖြစ်ကြောင်း မီးသတ်ဦးစီးဋ္ဌာန၏ ထုတ်ပြန် ချက် အရသိရှိရသည်။


“စလောင်တော့ မီးကများတယ်။ မီးသတ်ကားရောက်လာတဲ့အခါ အထဲကိုမ၀င်ပဲ အပြင်ကနေ ပိုက်နဲ့အရင် ဖြန်းတယ်။ ၁၀ မိနစ် ၁၅ မိနစ်လောက်ဖြန်းတော့ မီးခိုးအဖြူလုံးတွေထွက်လာပြီး မီးသေသွားတော့မှ အထဲကို ၀င်ဖြန်းတယ်။ ဒဏ်ရာရတာတော့ မတွေ့ဘူး”ဟု မျက်မြင်သက်သေ တစ်ဦးက ပြောသည်။

မီးလောင်ကျွမ်းမှုကြောင့် ကုတင်၊မွှေ့ရာ၊တီဗွီ၊ အိမ်အသုံးအဆောင် ပစ္စည်းအချို့ဆုံးရှုံးမှုရှိခဲ့ပြီး မီးသတ် ဦးစီးမှ ဆုံးရှုံးမှုတန်ဖိုး ကျပ်(၁)သိန်း သတ်မှတ်ထားသည်။

“ဒီနားမှာက မီးကလည်းပြတ်တာ များတယ်။ ခဏ ခဏလည်း မီးလန့်တာတွေဖြစ်တယ်။ တလောကလည်း ဒီနားလေး မှာပဲ ၀ါယာလျော့ကနေ မီးလောင်မှုတစ်ခုဖြစ်ခဲ့သေးတယ်”ဟု ရတနာပုံလမ်းနေ ရပ်ကွက် သားတစ် ဦးကပြောသည်။

အဆိုပါ မီးလောင်ရာနေရာသို့ စမ်းချောင်းမြို့နယ်မှ (၁)စီး၊ ကြည်မြင်တိုင်မြို့နယ်မှ (၂)စီး စုစုပေါင်း မီးသတ် ကား(၃)စီးဖြင့် လာရောက်ငြိမ်းသတ်ခဲ့ရကြောင်း သိရှိရသည်။

ကြည့်မြင်တိုင်မြို့နယ်၌ လျှပ်စစ်မီးပြတ်တောက်မှုမှာ ယခုရက်ပိုင်းတွင် ကြိမ်ဖန်များစွာဖြစ်ပေါ်လျှက် ရှိပြီး မီးလန့်မှုမှာလည်း မကြာခဏဖြစ်ပေါ်လျက်ရှိကြောင်း ရပ်ကွက်နေပြည်သူများထံက သိရသည်။

အောင်ပြည့်ဖြိုးကျော်(မြစ်မခ) 



0 comments:

Post a Comment

Tags

Labels

နောက်ဆုံးရ သတင်းများ

Blog Archive

Blog Archive

ဆက်သွယ်ပေးပို့ရန်

drmyochit72@gmail.com သို့ ဆက်သွယ်ပေးပို့နိုင်ပါသည်

ရှာဖွေရန်