ကွန်ပြူတာပညာအခမဲ့ သင်ပေးမည့် ပရဟိတသူရိယဖောင်ဒေးရှင်းစလှုပ်ရှား

မိုးညှင်း၊ သြဂုတ် ၂၆။

ကချင်ပြည်နယ်၊ မိုးညှင်းမြို့ ပုညရှင်တောရ အပြည်ပြည်ဆိုင်ရာ ၀ိပဿနာရိပ်သာ ဆရာတော် ဒေါက်တာအရှင်ကစ္စာယနမှ ဦးစီးသော သူရိယပညာရေး ဖောင်ဒေးရှင်းမှ လရွယ်၊ လူငယ်များ ကွန်ပျူတာ အခမဲ့ သင်ကြားနိုင်ရန် စတင်ပြီဖြစ်ကြောင်း ယင်းဖောင်ဒေးရှင်းမှ သိရသည်။

အသက်(၃၀)အောက် အိမ်ထောင်မရှိသော လူငယ်များ(၁၀၀)ကျော်ဖြင့် ဖွဲ့စည်းထားပြီး ဆင်းရဲသား၊ ကျောင်းသား၊ ကျောင်းသူ လူငယ်များအားလုံး ကွန်ပြူတာ အခမဲ့ ပညာသင်ကြားနိုင်ရန်ရည်ရွယ်ကြောင်း ၎င်းဖောင်းဒေးရှင်းမှ တာဝန်ရှိသူ တစ်ဦးက ပြောကြားသည်။

“မြန်မာလူမျိုးတွေက နိုင်ငံခြားသားတွေနဲမတူဘူး၊ ဥာဏ်ကောင်းကြတယ်။ နိုင်ငံတော်က ပညာရေးအတွက် သင်ထောက်ကူပစ္စည်းတွေ လုံလောက်အောင် မပေးနိုင်လုိ့သာ ခေတ်နောက်မှာ ရောက်နေကြတာ။ ဒါကိုတစ်ဖက်တလမ်း ကူညီချင်လို့ ကွန်ပြူတာပညာရေးမြင့်တင်တဲ့ အနေနဲ့အခမဲ့ သင်ကြားပေးနိုင်ဖို့ ပရဟိတလူငယ်တွေကိုဖွဲ့စည်းခဲ့တာ ဖြစ်ပါတယ်”ဟု ဆရာတော်ဒေါက်တာအရှင်ကစ္စာယနက မိန့်ကြားသည်။

လူငယ်ကျား၊ မပေါင်းလူဦးရေ(၁၀၀)ဖြင့်(၇)ဖွဲ့ ခွဲထားပြီး လစဉ်(၁၀၀၀)ကျပ် ထည့်ဝင်ခြင်းဖြင့် ရံပုံငွေရှာကာ တ၀က်ကို ဆင်းရဲတဲ့ကျောင်းများ ကိုလှူမည်ဖြစ်ကြောင်း၊ ကျောင်းသုံးစာအုပ်များနှင့် လိုအပ်ချက်များကို ဖြည့်ဆည်းပေးမည်ဖြစ်ကြောင်း၊ ကျန်တစ်ဝက်ကို လူမျိုးဘာသာမရွေး သင်ယူနိုင်သည့် အခမဲ့ကွန်ပြူတာသင်တန်း ဖြစ်မြောက်ရေးအတွက် လှူမည်ဖြစ်ကြောင်း ပရဟိတ သူရိယဖောင်ဒေးရှင်းမှ ကိုဇင်းမင်းထက်က ပြောသည်။

“ဆင်းရဲတဲ့ကျောင်းတွေမှာ အဟာရဓာတ်စာတွေ ကျွေးကြတယ်။ ဆေးရုံတွေမှာ လူနာတွေအတွက် သွေးလှူရှင်တွေရှာပြီး ကူညီပေးတယ်။ သန့်ရှင်းရေးကအစ လူငယ်တွေ လုပ်အားပေးကြတယ်။ ကွန်ပြူတာ မတတ်မြောက်ကြတဲ့ လူငယ်တွေ အတော်များပါတယ်။ ကချင်ပြည်နယ်မှာ မူးယစ်ဆေးဝါးပေါတဲ့ နေရာဖြစ်နေလို့ ဆေးသုံးစွဲမှုဘက်မှာ လူငယ်တွေ အာရုံမရှိစေဘဲ ကွန်ပြူတာသင်တန်းတက်ပြီးနိုင်ငံတော်ကို အကျိုးပြုနိုင်ကြစေလိုတဲ့ ဆန္ဒနဲ့ လုပ်ဆောင်နေတာပါ”ဟု ၎င်းကဆက်လက် ပြောကြားသည်။

ပရဟိတအကျိုးဆောင်ကြသည့် လူငယ်အဖွဲ့များရှိသင့်ပြီး မိမိမြို့ရပ်ရွာများ၏ အခက်အခဲများကို တနိုင်တပိုင်ဖြေရှင်းနိုင်ခြင်းသည် အကျိုးကျေးဇူးများသည်ကို တွေ့ရကြောင်း၊ မိုးညှင်းတွင် ပရဟိတအခမဲ့ ကျောင်းများနှင့် ပရဟိတသူရိယ ဖောင်ဒေးရှင်းအဖွဲ့ ရှိလာခြင်းသည် မြို၏ အနာဂါတ်ကောင်းစားတော့မည်ကို မြင်နေရကြောင်း ဒေသခံ ကိုသန်းထွန်းက ဝမ်းသာစကားဆိုသည်။

သီဟ(ကချင်)
မြန်မာ့ခေတ်