Monday, July 23, 2012

SSA တပ်ဖွဲ့နှစ်ဖွဲ့အပေါ် ထိုးစစ်ဆင်နေမှု သမ္မတထံ အကြောင်းကြားရန် RCSS ပြင်ဆင်

Posted by drmyochit Monday, July 23, 2012, under | No comments


မြန်မာနိုင်ငံအတွင်း ငြိမ်းချမ်းရေးနှင့် ပြုပြင်ပြောင်းလဲရေးအတွက် မြန်မာစစ်တပ်ဖက်က ဆန္ဒမပြင်းပြသဖြင့် အပစ်ရပ် ဆွေးနွေးပြီးသည့် တိုင်းရင်းသားတပ်ဖွဲ့များအပေါ် ယခုကဲ့သို့ ဆက်လက်ထိုးစစ်ဆင်တိုက်ခိုက်နေခြင်းဖြစ်ကြောင်း သျှမ်းပြည် တပ်မတော်ခေါင်းဆောင် ဒု-ဗိုလ်ချုပ်ကြီး ယွက်စစ်က ပြောသည်။
sys
တပ်မတော်ခေါင်းဆောင် ဒု-ဗိုလ်ချုပ်ကြီး ယွက်စစ်
“ပြုပြင်ပြောင်းလဲရေးအတွက် သမ္မတနဲ့အဖွဲ့က ကြိုးစားအားထုတ်နေသလောက် စစ်တပ်က အလေးမထားဘူး။ ကျနော် တို့ဟာ ကျနော်တို့ မိုင်းပူးလုံမှာ အေးအေးချမ်းချမ်းနေနေတယ်။ ဘယ်သူ့ကိုမှ သွားပြီးရန်မရှာပေမယ့် မြန်မာစစ်တပ် ခမရ ၃၆၀ က ကျနော်တို့ကို မနေ့က  တမင်သက်သက်  တက်တိုက်တယ်။   အပစ်ရပ်တယ်ဆိုပေမယ့် ခုထိ တိုက်ပွဲက  ၂၅ ကြိမ်ထက်မနည်း ဖြစ်နေတုန်း။ ဒါကိုကြည့်ရင် မြန်မာအစိုးရရဲ့ စစ်တပ်က ပြောင်းလဲရေးအတွက် ဆန္ဒမရှိဘူး။ အရင်နည်း အတိုင်း အာဏာဆက်လက် ချုပ်ကိုင်တဲ့စနစ်ကို သုံးချင်နေတုန်းဘဲလို့ သုံးသပ်မိတယ်” ဟု သျှမ်းပြည်တပ်မတော် ခေါင်းဆောင် ဒု-ဗိုလ်ချုပ်ကြီးယွက်စစ်က သျှမ်းသံတော်ဆင့်သို့ပြောသည်။


ထိုကဲ့သို့ အပစ်ရပ်ဆွေးနွေး ပြီးသော်လည်း တိုက်ပွဲမရပ်သေးသည်နှင့်ပတ်သက်၍ သမ္မတကြီးထံ သတိပေးအကြောင်းကြား စာပေးပို့ရန်စီစဉ်နေသည်ဟု ဒု-ဗိုလ်ချုပ်ကြီးယွက်စစ်က ပြောသည်။

“နောက်တခုကလဲ အခုလိုဆက်တိုက်ဖြစ်နေတာကိုကြည့်ခြင်းအားဖြင့် အောက်ခြေအဆင့်အမှား ဆိုတာမဖြစ်နိုင်တော့ဘူး။ အထက်ပိုင်းရဲ့ စီမံချက်ကြောင့် ဖြစ်တယ်လို့ ကျနော်ယူဆတယ်။ အခုလို ဆက်ဖြစ်နေဦးမယ်ဆိုရင် ကျနော်တို့ လုပ်နေတဲ့ ငြိမ်းချမ်းရေးခရီးစဉ်ကိုထိခိုက်နိုင်မယ်။ ငြိမ်းချမ်းရေးဆိုတာ ပျက်စီးသွားရင် နောက်တခါပြန်လည်စကားပြောဖို့ခက်သွားပြီ။ ဒါတွင်မက ထာ၀ရ ငြိမ်းချမ်းရေးဆိုတာလဲ မျှော်လင့်ချက်ရှိနိုင်မှာမဟုတ်တဲ့အတွက် သမ္မတကြီးတို့ တာစူနေတဲ့ ၂၀၁၃ ဆီးဂိမ်းစ်တို့ ဘာတို့ ကိုလဲထိခိုက်လာနိုင်မယ် အစရှိတဲ့အချက်တွေပါဝင်တဲ့စာ ပေးပို့မှာဖြစ်တယ် ” ဟု ဆိုပါသည်။

မြန်မာအစိုးရ၏စစ်တပ်သည် အပစ်ရပ် ငြိမ်းချမ်းရေးသဘောတူညီထားသည့် သျှမ်းပြည်တပ်မတော် တောင်ပိုင်း၊ မြောက် ပိုင်း နှင့် တိုက်ပွဲများ အကြိမ် ၂၀ ကျော်စီဆက်လက်ဖြစ်ပွါးနေသည့်အပြင်၊ မြန်မာစစ်တပ်က ဒေသခံတိုင်းရင်းသားများ အ ပေါ် ယခင်နည်းအတိုင်း ဆက်လက် အနိုင်ကျင့် ဖိနှိပ်နေမှုတို့ကြောင့် ထာ၀ရငြိမ်းချမ်းရေး ဖြစ်ပေါ်လာရန်လည်း လွယ်ကူ မည်မဟုတ်ကြောင်း၊ ထို့ကြောင့် နိုင်ငံရေးဆွေးနွေးမှုမရမှီစပ်ကြား လက်နက်ကိုင်တပ်ဖွဲ့များ အချင်းချင်းသည်းခံကာလက်တွဲ ကြရန်လိုအပ်ကြောင်း ဒု-ဗိုလ်ချုပ်ကြီးယွက်စစ်က ပြောပါသည်။

0 comments:

Post a Comment

Tags

Labels

ေနာက္ဆံုးရ သတင္းမ်ား

Blog Archive

Blog Archive

ဆက္သြယ္ေပးပို႕ရန္

drmyochit72@gmail.com သို႕ ဆက္သြယ္ေပးပို႕ႏိုင္ပါသည္

ရွာေဖြရန္