Time in Rangoon 
လက်ပန်းတောင်းတောင် ကြေးနီ စီမံကိန်း အကြောင်း အများ ပြည်သူတွေ ကို အသိပေး ရှင်းလင်းတဲ့
ဟောပြော ပွဲကို ရန်ကုန်မြို့၊ မရမ်းကုန်းမြို့နယ်မှာ ရှိတဲ့ သမိုင်းမြို့မ ကျောင်း
တိုက်မှာ လက်ပန်းတောင်းတောင် ပြည်သူ့အကျိုးစီးပွား ကာကွယ် စောင့်ရှောက်ရေး ကော်မတီက
ဇန်န၀ါရီလ ၂၃ ရက် ဒီကနေ့ ကျင်းပခဲ့ပါတယ်။
ကြေးနီတောင် စီမံကိန်းနဲ့ ပတ်သက်ပြီး လက်ပန်းတောင်းတောင် သိပ္ပံအမြင်ခေါင်းစဉ်နဲ့ ရူပဗေဒ ပညာရှင် ဒေါက်တာခင်မောင်ညိ က အခမ်းအနားမှာ အခုလို ဟောပြောခဲ့ပါတယ်။
“မြန်မာပြည်နဲ့
ပတ်သက်ပြီး ပြောလိုက်ရင် သယံဇာတ ပေါကြွယ်ဝတဲ့ နိုင်ငံဖြစ်တယ်၊ သတ္တု တွင်း တူးနိုင်တဲ့
မြေကြီးဟာ မြန်မာနိုင်ငံမှာ ၅၄ ရာခိုင်နှုန်း ရှိပါတယ်၊ အဲဒီ့ မြေကြီး ကို တူးလိုက်မယ်ဆိုရင်
အပေါက်တွေဖြစ်ပြီး ၄၆ ရာခိုင်နှုန်းပဲ နေထိုင်ဖို့ ကျန်ပါတော့တယ်၊ မုံရွာ ကနေပြီးတော့
တဖက်ကို လှမ်းကြည့်လိုက်ရင် အရင်ခေတ်ကတော့ မို့မို့ မောက်မောက် တောင်နှစ်လုံးကို မြင်ရပါတယ်၊
ကြေးစင်တောင်ကြီးက တဖြေးဖြေးနဲ့ ကုန်သွားပြီးတော့ ချိုင့်ကပါးတွေဖြစ်ကုန်ပြီ”
လက်ပန်းတောင်းတောင် ပတ်ဝန်းကျင်မှာရှိတဲ့ ဆည်တဲရွာမှ ဒေသခံတစ်ဦးကတော့ မိမိတို့ လယ်သမားများအနေနဲ့ လယ်ယာပဲ ပြန်လုပ်ချင်တာကြောင့် ကြေးနီစီမံကိန်းကို ရပ်ဆိုင်း ပေးဖို့ အခမ်းအနားမှာ တောင်းဆိုလိုက်ပါတယ်။
“ကျမတို့ သိလို့ တတ်လို့ မဟုတ်ပါဘူး၊ ကျမတို့ ဘာမှလည်း မသိပါဘူး၊ ဘာမှလည်း နားမလည် ပါဘူး၊ တကယ့်တကယ်က ကိုယ့်ခံစားချက်ထဲမှာ ဒီတောင်ကြီး မရှိရင် ကျမတို့ ဘဝတွေ ဆုံးရှုံးသွားမယ်၊ ကျမတို့ လယ်ယာမြေမရှိရင် ကျမတို့ ဘဝဟာ ဘယ်လို ရှေ့ဆက်ပြီး ရှင်သန်နိုင်မလဲဆိုတာ၊ ကျမတို့ ဒီ့ပြင် လုပ်ငန်းလည်း မလုပ်စားတတ်ပါဘူး၊ ဒီတောင်သူပဲ လုပ်စားတတ်ပါတယ်၊ အခု ဖြစ်ချင်တာကတော့ လက်ပန်းတောင်းတောင် ကြေးနီ စီမံ ကိန်းကြီး ကို လုံးဝ ဖျက်သိမ်းပေးပါလို့ အနူးအညွှတ်မေတ္တာ ရပ်ခံပါတယ်”
ဒါ့အပြင် သမ္မတဦးသိန်းစိန်ဆီကို ကြေးနီစီမံကိန်း ဖျက်သိမ်းပေးဖို့၊ လယ်မြေတွေ အဓမ္မမ သိမ်းယူဖို့၊ သာသနာပိုင်မြေတွေ ပြန်ပေးဖို့နဲ့ တရားရုံးအသီးသီးမှာ တရားစွဲဆို ခံထား ရတဲ့ အမှု အခင်းတွေ ကျေအေးပေးဖို့ စတဲ့အချက်တွေ အပါအဝင် အချက် ၉ ချက်ကို လူဦးရေ ၂ ထောင်ကျော်က လက်မှတ်ထိုးပြီး ပေးပို့ခဲ့ပါတယ်။
ဒီကနေ့ အခမ်းအနားကို ကြေးနီစီမံကိန်းတာဝန်ယူ အကောင်အထည်ဖေါ်နေတဲ့ တရုတ် ဝမ်ပေါင် ကုမ္ပဏီက တာဝန်ရှိသူတချို့လည်း တက်ရောက်ခဲ့ပါတယ်။
RFA
0 comments:
Post a Comment