Time in Rangoon 
မွန်ပြည်နယ်နှင့်
ကရင်ပြည်နယ်အတွင်းရှိ၊ မြို့နယ်ရပ်ကွက်၊ ကျေးရွာလုံခြုံရေးအတွက် ခန့်အပ် ထားသည့် ပြည်သူ့စစ်များ၏
ထောက်ပံ့ငွေများကို ဒေသခံများထံမှ ကောက်ခံ လျက်ရှိကြောင်း ဒေသ ခံများ ပြောပြ ချက်အရ
သိရသည်။
အဆိုပါပြည်သူ့စစ် ထောက်ပံ့ကြေးများကို ငွေကြေးဖြင့်ထောက်ပံ့မှု၊ ဆန်စပါးသီးနှံ ထောက်ပံ့
မှုနှင့် ငွေကြေးနှင့်ဆန်စပါး နှစ်မျိုးပေါင်းထောက်ပံ့မှု ဟူ၍သုံးမျိုးရှိကြောင်း ကရင်ပြည်နယ်၊
ဘားအံမြို့နယ် ထုံးအိုင်ရွာမှ ပြည်သူ့စစ်အဖွဲ့ဝင် တဦးက ပြောသည်။
“လုပ်ငန်းရှင်တွေ၊ ချဲဒိုင်နဲ့ချဲရောင်းတဲ့သူ၊ အရက်ပုန်းဆိုင်တွေကနေ လစဉ်ကောက်ပြီး ပြည်သူ့စစ် တွေကို ထောက်ပံကြေးပေးနေတယ်” ဟု ထုံးအိုင်ရွာနေ ခရီးသည် တင်စက်လှေ ပိုင်ရှင်တဦးက ပြောသည်။
ထိုသို့ ပြည်သူ့စစ် လစဉ်ထောက်ပံ့ကြေး ကောက်ခံရာတွင် ကျေးရွာအုပ်ချုပ်ရေးမှူးနှင့် ရဲတပ်ဖွဲ့တို့က တိုက်ရိုက်မကောက်ခံဘဲ ပြည်သူ့စစ်အဖွဲ့များကသာ ကောက်ခံပြီး တစ်အိမ်ကို ၁၀ဝ၀ ကျပ်၊ ချဲဒိုင်အငယ်က ၅၀ဝ ကျပ်နှင့် ချဲဒိုင်အကြီးက ၅၀ဝ၀ ကျပ်အထိ ကောက်ခံလျှက် ရှိသည်။
ထိုင်အိုင်ရွာသား
ပြည်သူ့စစ်တစ်ဦးက “ရွာမှာရဲတွေနဲ့အတူ လုံခြုံရေးအတွက် ကင်းလှည့် ရတယ်၊ အထူးသဖြင့်တော့
သံလွင်မြစ်မှာ လှေ၊ သစ်ဖေါင်တွေကို ရဲနဲ့ သစ်တော အဖွဲ့တွေနဲ့ ပူးပေါင်း စောင့်ကြပ်ပြီး
စစ်ဆေးရပါတယ်” ဟု ပြောသည်။
ပြည်သူ့စစ်ထောက်ပံ့ကြေးကို ရွာကြီးအသေး အိမ်ခြေအနည်း အများအပေါ်မူတည်ပြီး ကွာခြား မှုရှိသည် ဟုလည်း မွန်ပြည်နယ်၊ ရေးမြို့နယ် နှစ်ကရင်ကျေးရွာ အုပ်ချုပ်ရေးမှူးဟောင်းက ပြော သည်။
သူက “အုပ်ချုပ်ရေးမှူးအနေနဲ့ ရွာမှာငွေကောက်ခံခွင့်မရှိဘူး၊ ဒါပေမယ့် တပ်နယ်မှူးရဲ့ အုပ်ချုပ်မှုအောက်မှာ ရှိတဲ့ ပြည်သူ့စစ်တွေကျတော့ သူတို့လစာထောက်ပံ့ကြေး သူတို့ဖာသာ ရွာမှာကောက်ခံခွင့်ပေးထားတယ်” ဟု ပြောသည်။
အိမ်ခြေ နှစ်ထောင်ဝန်းကျင်ရှိသော ကရင်ကျေးရွာတွင် တစ်အိမ်လျှင် ငွေ ၅၀ဝ ကျပ် ပြည်သူ့ စစ်များအတွက် လစဉ်ကြေး ပေးဆောင်နေကြရသည်။
မွန်ပြည်နယ်၊ ရေး၊ သံဖြူဇရပ်၊ မုဒုံ၊ ကျိုက်မရောမြို့နယ်များတွင် ကျေးရွာအများစု၌ ပြည်သူ့စစ် ၅ ဦးမှ ၁၀ ဦးခန့် လုံခြုံရေးအတွက် ခန့်အပ်ထားရှိကြသည်။
0 comments:
Post a Comment