Time in Rangoon 
သြဂုတ် ၅၊ ၂၀၁၂၊ YPI
ရခိုင်ပြည်နယ် ကျောက်တော်မြို့နယ် အပေါက်ဝကျေးရွာတွင် ယနေ့
မွန်းလွဲ ၃နာရီက မီးရှို့မှု ဒုတိယအကြိမ်ဖြစ်ပွားကာ ၂ လတာ အတွင်း ဒုတိယအကြိ်မ်
မီးရှို့မှုဖြစ်၍ အိမ်ခြေ ၃၀ ကျော် မီးလောင်ကျွမ်းခဲ့ရသည်ဟု အမည်မဖေါ်လိုသူ
ကျေးရွာသားတဦးက YPI သို့ပြောသည်။
ဘင်္ဂါလီလူမျိုးများ အများစု နေထိုင်သည့် ယင်းအပေါက်ဝ
ကျေးရွာတွင် ရဲစခန်းရှိသော်လည်း ရဲစခန်းမှ မည်သို့မျှ ဆောင် ရွက်ပေးနိုင်ခြင်း
မရှိဟု ၎င်းက ပြောသည်။ မီးရှို့မှုအပြင် လူတဦးလည်း အသတ်ခံရကာ သေဆုံးခဲ့ရသည်ဟု
၎င်းကပြောသည်။
ရခိုင်ပြည်နယ် မောင်တော၊ စစ်တွေမြို့တို့တွင် မငြိမ်မသက်မှုများ
ဖြစ်ပွားပြီးခါစ ဇွန်လ ၁၅ ရက်နေ့ကလည်း အပေါက်ဝ ကျေးရွာရှိ လူနေအိမ်များကို
မီးရှို့သည့်ဖြစ်ရပ်ဖြစ်ပွားခဲ့ကာ နေအိမ် ၄၀ နီးပါး လောင်ကျွမ်းခဲ့သည့်နောက် ၂
လနီးပါးအကြာ ယခုကဲ့သို့ ဒုတိ ယအကြိမ် မီးရှို့မှု ဖြစ်ပွားခဲ့ခြင်းဖြစ်သည်။
ပထမအကြိမ် မီးရှို့မှု သတင်းကို အစိုးရထုတ်နေ့စဉ် သတင်းစာ၌
ဖေါ်ပြခဲ့ရာတွင် အိမ်ခြေ ၁၂ လုံးသာ မီးလောင်ကျွမ်းကာ လက် သည်တရားခံကို
ရှာဖွေလျှက်ရှိသည်ဟု ဖေါ်ပြထားခဲ့သည်။
ယင်းကျေးရွာတွင် အိမ်ခြေ ၁၀၀ ကျော်သာရှိသဖြင့်
ယခုတကြိမ်မီးလောင်ပြီးနောက် အိမ်ခြေ ၃၀ ကျော်သာ ကျန်ရှိတော့ကြောင်းလည်း သိရသည်။
ယနေ့မီးရှို့မှု၏ လက်သည်မှာ ယခင်တကြိမ် မီးရှို့သူပင်ဖြစ်သည်ဟု
၎င်းအနေဖြင့် ယူဆကြောင်းပြောဆိုသောလည်း သီးခြား အတည်ပြုချက်မရသေးပါ။ မီးမှာ ညနေ
၅နာရီဝန်းကျင်တွင် ငြိမ်းသွားခဲ့သည်ဟု လည်း၎င်းကပြောသည်။
အိမ်ခြေ ၇၀ ကျော်မီးလောင်ကျွမ်းသွားသဖြင့် အပေါက်ဝကျေးရွာတွင်
နေစရာ အိမ်မလုံလောက်သည့် အခက် အခဲနှင့် ရင်ဆိုင်နေကြရသည်ဟုလည်း သိရှိရသည်။
ဇွန်လဆန်းတွင် ရခိုင်ပြည်နယ် မြို့နယ်အချို့တွင်
ဖြစ်ပွားခဲ့သည့် အကြမ်းဖက်မှုများကြောင့် လူ ၇၇ ဦးသေဆုံးခဲ့ကာ လူနေအိမ် ၄
ထောင်ကျော် မီးလောင်ကျွမ်းခဲ့ရပြီး လူပေါင်း သောင်းနှင့်ချီ အိုးအိမ်မဲ့ဖြစ်ခဲ့ရသည်ဟု
အစိုးရ သတင်းထုတ်ပြန်ချက်များ အရ သိရသည်။
ယင်းအကြမ်းဖက်မှု များကို ထိန်းသိမ်းရန် ရခိုင်ပြည်နယ်
တခုလုံးကို အရေးပေါ် အခြေအနေကြေညာထားကာ မြို့ ၆ မြို့တွင် ညမထွက်ရ
အမိန့်ထုတ်ပြန်ထားဆဲလည်း ဖြစ်သည်။ ။
0 comments:
Post a Comment