ထိုင်းနိုင်ငံအတွင်း အလုပ်သမားလက်မှတ် မရှိသူများ ယခုနှစ်ကုန်ပိုင်းတွင် ဖမ်းတော့မည်

ထိုင်းနိုင်ငံသို့ လာရောက် အလုပ်လုပ်ကိုင် နေကြ သူများ အနက် အလုပ် လုပ်ခွင့် လက်မှတ် (work permit) မရှိသည့် အလုပ် သမား များအား ယခုနှစ် ကုန်ပိုင်း တွင် ဖမ်းဆီး တော့မည် ဖြစ်၍ အလုပ်လုပ်ခွင့် လက်မှတ် အမြန် ဆုံးပြုလုပ် ကြရန် မဲဆောက်မြို့ရှိ အလုပ်သမားရုံးရှေ့တွင် ထိုင်းအာ ဏာပိုင် များက အသိ ပေးထား ကြောင်း သိရ သည်။

မဲဆောက် အခြေစိုက် အလုပ် သမား အရေး ကိုကူညီ ဆောင်ရွက် ပေးနသည့် ရောင်ခြည်ဦး အလုပ် သမား ကူညီ စောင့်ရှောက်ရေး အဖွဲ့မှ ဥပဒေ ရေးရာ တာဝန်ခံ ကိုထွေးနိုင်က “ထိုင်း အစိုးရ က သူတို့နိုင်ငံမှာ အလုပ်လာလုပ်တဲ့ အလုပ်သမားတွေဟာ Work Permit လုပ်ရမယ်။

မလုပ်ရင် ဒီနှစ်ကုန်ပိုင်းမှာ စဖမ်းမယ်။ အခြား ဘာလက်မှတ် ကိုင်ဆောင်ထားပါစေ Work Permit မရှိရင် ဖမ်းဖို့ ထုတ်ပြန်ထားတာရှိတယ်”ဟု ကေအိုင်စီသို့ ပြောသည်။ ဆက်လက်၍ အလုပ်လုပ်ခွင့် Work permit ရှိသူ များအနေဖြင့် ယခု အောက်တိုဘာလ  ၁၄ ရက်နေ့တွင် နောက်ဆုံး သက်တမ်းတိုးရန် သတ်မှတ် ထားပြီး သက်တမ်းမတိုး မိသူများ၊ Work permit မရှိသူများနှင့် စာရွက် စာတမ်းအခိုင်အလုံ မရှိသူ အားလုံးကို လာမည့် ဒီဇင်ဘာလ၊ ၁၄ ရက်နေ့အထိ နောက်ဆုံးထားကာ ထိုင်းအစိုးရ က ဖမ်းဆီး အရေးယူ သွားမည်ဟု ထုတ်ပြန် ထားခြင်း ဖြစ်ကြောင်း ကိုထွေးနိုင်က ဆိုသည်။ ထိုသို့ အလုပ်သမားလက်မှတ် ပြုလုပ် ထားခြင်း မရှိဘဲ စစ်ဆေး တွေ့ရှိသူများကို ထိုင်းဥပဒေ ပုဒ်မ (ဘီအီး ၂၅၂၂) အရ ဒဏ်ငွေအဖြစ် ထိုင်းဘတ်ငွေ ၅,၀၀၀ (ငါးထောင်)နှင့် ထောင်ဒဏ် ၅ နှစ်အထိ ပြစ်ဒဏ်ချ မှတ်ခံရနိုင်သည်ဟု သိရသည်။

မဲဆောက်တွင် လာရောက်အလုပ်လုပ်ကိုင်သူ မြန်မာအလုပ်သမားတစ်ဦးက “အရင်က အထောက်အထား တစ်ခုရှိ ရင်ရတယ်။ ပိုက်ဆံလည်း ကုန်ပေါင်းမနည်းတော့ဘူး။ အခုက အဲဒီဟာတွေနဲ့ မရတော့ဘူး ဆိုတော့ သူတို့ (ထိုင်းအစိုးရ) ပြောသလို လုပ်ရတော့မှာပေါ့” ဟု ပြောသည်။

၎င်းအပြင် အလုပ်လုပ်ခွင့် Work permit ပြုလုပ်ရာတွင် အချို့မှာ ပွဲစားများမှတဆင့် ပြုလုပ်သူများဖြစ်၍ အကုန် အကျ ပိုများပြီး သတ်မှတ်ချက်အရ ၆ လစာ သက်တမ်း အတွက် ဘတ်ငွေ ၁,၀၀၀ (တစ်ထောင်) နှင့် ဆေးစစ်ခ တစ်နှစ်စာအတွက် ဘတ်ငွေ ၁,၉၀၀(တစ်ထောင့်ကိုးရာ) ကုန်ကျမည်ဟု ရောင်ခြည်ဦး အလုပ် သမား ကူညီ စောင့်ရှောက်ရေး အဖွဲ့က ပြောဆိုသည်။

တဆက်တည်းမှာပင် Work permit ပြုလုပ်ရာတွင်ထိုင်းနိုင်ငံအတွင်း နေထိုင်ကြောင်း ထောက်ခံစာ၊ ဆေးရုံ တစ်ခုခုထောက်ခံပေးသော ဆေးထောက်ခံစာနှင့်အတူ အလုပ်ရှင်၏ထောက်ခံချက်များ မဖြစ် မနေ ပါရှိရမည် ဖြစ်သည်ဟုလည်း ကိုထွေးနိုင်က ပြောသည်။ ထိုင်းနိုင်ငံတွင် အလုပ်သမားလက်မှတ်(Work permit) ကိုင်ဆောင်၍ ယာယီ နိုင်ငံကူးလက်မှတ် ပြုလုပ်ထား သူများ အနေဖြင့် ပုံမှန် ရက် ၉၀
သက်တမ်းကို အချိန်မှီ တိုးရမည်ဖြစ်ပြီး ပျက်ကွက်ပါက ဒဏ်ငွေအဖြစ် ဘတ်ငွေ ၁,၀၀၀ မှ ၅၀၀၀ အထိ ပေးဆောင်ရနိုင်သည်ဟု သိရသည်။

 ကေအိုင်စီသတင်း